POP 5

Lajmet më të lexuara të 5 minutave të fundit

Kronikë

Dokumente false për azil, Gjin
Marku në procedim penal

Kryetari i Komitetit te Pajtimit Mbarëkombëtar akuzohet për lëshimin e dokumenteve të falsifikuara. Marku për TvA1 Report:  Dokumentet e mia të rregullta, jo false. Askush s'më ka njoftuar. 
TIRANE-  Seksioni Kundër Krimit Ekonomik dhe Financiar deklaron se ka nisur procedim penal në gjëndje të lirë, ndaj Kryetarit të Komitetit te Pajtimit Mbarëkombëtar, Gjin Lazër Marku si dhe ndaj një 27 vjeçari Abdullah Zabit Skeja banues në Farkë.

Procedimi penal nisi, dje pasi në pikën e Kalimit Kufitar Rinas u bë ndalimi i 27 vjeçarit i cili posedonte vërtetim hasmërie dhe kërkonte azil në Kanada me dokumente të falsifikuar.

Sipas policisë “dokumentet ishin të lëshuara nga ana e Komitetit të Pajtimit Mbarëkombtar, së bashku dhe me dokumente të tjera nga ky komitet."

Policia thotë se procedimi penal nis në kuadër të operacionit “Azilinati”.

MARKU: NUK JAM NJOFTUAR PER PROCEDIM PENAL
I kontaktuar nga tv A1 Report, Marku thotë se nuk ka dijeni për këtë procedim penal. Ai pranon se i ka dhënë dokumente babait të 27 vjeçarit dhe të gjithë dokumentacionin që i kishte kërkuar policia i kishte vënë në dispozicion.
Ai mohon që zyra e tij të lëshojë dokumente të falsifikuar, por për këtë ekzistojnë sekserë në rrugën e Kavajës, apo tek Zogu i Zi.  “Ia kam dhënë vërtetimin, të atit të Abdulla Skejës, dhe ia kemi dërguar domumentacionin policisë. Vërtetimet nuk lëshohen false nga ne. Nëse janë të falsifikuara duhen vërtetuar se ku janë marrë. Në rrugën e Kavajës sekserët do të lëshojnë mbi 500 vërtetime”- thotë Marku për tv A1 Report.
 
NJOFTIMI I POLICISE
Dje nga Seksioni Kundër Krimit Ekonomik dhe Financiar filloj procedimi penal për shtetasit :
• Abdullah Zabit Skeja, 27 vjec, lindur në Diber dhe banues në Farkë, Neni 164/a i K.P.
• Gjin Lazër Marku, 54 vjec, lindur ne Lezhë dhe banues në Tiranë, Kryetar i Komitetit te Pajtimit Mbarëkombëtar. Nenet 164/b & 186 të K.P,
Procedimi penal në ngarkim të tyre filloj në kuadër të operacionit “Azilinati”, ku është bërë e mundur bllokimi në Pikën e Kalimit Kufitar Rinas i shtetasit Abdullah Skeja, i cili kishte posedonte dokumenta të lëshuara nga ana e Komitetit të Pajtimit Mbarëkombtar, si vërtetime hasmërie në të cilën pasqyroheshin të dhëna në lidhje me hasmëritë që ky shtetas dhe familjaret e tij kishin me një familje tjetër në Dibër, dhe kërkonin azil në Kanada me dokumenta të falsifikuar.
Po ashtu edhe dokumeta të tjera të lëshuara nga Kryetari i Komitetit të Pajtimit shtetasi Gjin Lazer Marku.

Redaksia online
(sg/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Ardian Vehbiu: Histeria ndaj kryepeshkopit Anastas

Ardian Vehbiu: Histeria ndaj kryepeshkopit Anastas

28 Janar, 21:45 nga Ardian Vehbiu