TIRANË- Drejtoria e Tatimeve ka reaguar pas një lajmi që ka publikuar një ditë më parë portali ‘BalkanWeb. Tatimet përgënjeshtrojnë lajmin e publikuar nga BalkanWeb, në të cilin thuhet se Drejtori i Përgjithshëm i Tatimeve, Ceno Klosi ka emëruar në krye të drejtorisë së Verifikimit në Terren dhe Koordinimit, Trëndafil Tarja, një person i arrestuar më parë nga policia për favorizim të bixhozit dhe shpërdorim detyre në 2015.
Tatimet thonë se ky lajm është i pavërtetë. Sipas tyre, Tarja është punonjës i Administratës Tatimore prej vitit 2014. Ndërsa shtojnë se Traja, sipas vërtetimit të gjendjes gjyqësore nuk rezulton i dënuar më parë.
Ndërkohë, sa i përket akuzës së portalit BalkanWeb, se Traja është arrestuar për shpërdorim detyre, Tatimet kanë bashkëngjitur dokumentin se çështja ndaj tij është pushur për mungesë provash dhe është shpallur i pafajshëm.
“Lidhur me artikullin e publikuar dje, datë 10.08.2022, në portalin BalkanWeb me titull “Skandali/Tatimori i arrestuar për ryshfet me pikat e bixhozit gradohet nga Ceno Klosi drejtor i Verifikimit në Terren”, Drejtoria e Përgjithshme e Tatimeve sqaron qytetarët shqiptarë se lajmi i sipërcituar është i pavërtetë dhe i pabazuar. Me qëllim informimin korrekt të opinionit publik, Administrata Tatimore sqaron se zoti Trëndafil Tarja është punonjës i Administratës Tatimore prej vitit 2014. Emërimi i tij në pozicionin Inspektor Zbatimi, në Sektorin e Zbatimit (Task-Forcë), në Drejtorinë e Hetimit Tatimor, në Drejtorinë e Përgjithshme të Tatimeve, është kryer në zbatim të vendimit nr. 1324, datë 05.09.2014. Prej 8 vitesh nga emërimi i tij i parë, z. Tarja ka ushtruar funksione të ndryshme në Drejtorinë e Përgjithshme të Tatimeve, si: Inspektor, përgjegjës sektori dhe drejtor drejtorie, sipas procedurave që parashikon Kodi i Punës dhe legjislacioni në fuqi. Ky fakt dëshmohet nga vërtetimi i gjendjes gjyqësore, datë 10.08.2022, ku rezulton i pa dënuar!
Lidhur me pretendimin në artikullin me të njëjtin titull, sipas të cilit punonjësi në fjalë akuzohet për shpërdorim detyre, DPT saktëson se kjo nuk është e vërtetë, duke vënë në dispozicion të opinionit publik dokumentet, që provojnë të kundërtën, si më poshtë: Vendimin e Gjykatës së rrethit Gjyqësor Tiranë, nr. 2788, datë 15.09.2016, ku citohet se është pushuar çështja penale në ngarkim të zotit Tarja, për mungesë provash, duke e shpallur atë të pafajshëm, vendim i lënë në fuqi edhe në vendimin nr. 2120, datë 08.10.2018, të Gjykatës së Apelit Tiranë. Kjo konfirmohet edhe nga dëshmia e penalitetit, ku rezulton i pa dënuar! Theksojmë se Administrata Tatimore nuk intimidohet nga sulmet dashakeqëse mediatike dhe garanton qytetarët shqiptarë se mbetet e angazhuar në zbatimin e detyrave, që i ngarkon ligji duke vepruar drejt dhe me transparencë në përmbushje të misionit të saj për çdo tatimpagues, në mënyrë të barabartë”, shkruhet.
Drejtoria e Tatimeve ka kallëzuar në prokurori ‘Birra Tirana’, e cila ka të njëjtën pronar që zotëron edhe median në fjalë. Kallëzimi ka ardhur pas një kontrolli që Drejtoria e Tatimeve ushtroi te ‘Birra Tirana’ për shkak se ka detyrime të prapambetura tatimore në vlerën e 1.7 milionë eurove! Ndërsa nga kontrolli është konstatuar se ‘Birra Tirana’ ka kryer shitje të produkteve pa dokumentacion tatimor në vlerën 18 milionë lekë, të konstatuara në kushtet e flagrancës.
Dokumenti i publikuar nga Drejtoria e Tatimeve që tregon që Tarja është i pafajshëm
Lajme të tjera
-
‘Turizmi 2025’ me rregulla të reja për të goditur evazionin, hotelet kapacitet minimal të detyruar! Tatimet ‘në sitë’ deklarimet në booking dhe Airbnb
8 Tetor, 17:08
-
Ilir Binaj emërohet drejtori i ri i Tatimeve
2 Tetor, 19:39 -
Tatimet letër bizneseve: Deklaroni pagat reale të punonjësve brenda 20 tetorit 2024 ose gjobë
2 Tetor, 15:31
-
Tatimet kërkojnë ‘foletë’ offshore ku biznesmenët transferojnë paratë! Informacione në 77 shtete
26 Shtator, 17:13
-
Tatimet nisin auditimin e pasurisë së milionerëve, në sitë 33 të parët! Makinat e luksit e të tjera do të ballafaqohen me pasurinë e deklaruar
23 Shtator, 19:08
-
Dha dorëheqjen Ceno Klosi, Ministri firmos: Elidjana Çela drejtoreshë e përgjithshme e Tatimeve përkohësisht
15 Qershor, 09:07 -
Jep dorëheqjen Ceno Klosi, nga Tatimet shkon zv-ministër tek MIE! Elidjana Celaj do të jetë drejtoreshë e komanduar e Tatimeve
4 Qershor, 15:31 -
Tatimet korrigjojnë parapagimin e kësteve të tatimit te profesionet e lira, i ulin me rreth 30%
31 Maj, 07:47 -
Tatimi i profesioneve të lira, administrata tatimore sqaron përditësimin e kodit ekonomik për bizneset
28 Maj, 09:47 -
Profesionistët e lirë përballë faturës së kësteve, Tatimet për Report Tv: S’ka gabime tatimi, bazohen në vetëdeklarimin e tyre, u janë njohur shpenzimet
28 Prill, 14:10
-
Edhe 5 ditë afat, mbi 73 mijë persona duhet të dorëzojnë DIVA-n! Tatimet për Report TV: Vjet ishin mbi 49 mijë individë në më shumë se 1 punë
25 Prill, 15:55
-
Profesionet e lira, vërshojnë ankesat në tatime për rishikimin e këstit të tatimit
25 Prill, 11:11
