Receta

Dollma me lakër dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 29 Mars, 11:46 | Përditesimi: 29 Mars, 11:47

Dollma me lakër dhe oriz

Përbërësit:

1 kokë lakër mesatare
100 gr mish të grirë
5 qepë mesatare
100 gr oriz
Salcë domate
Kripë, piper
Bimë aromatike

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Pastrojmë lakrën nga fletët e dëmtuara dhe presim pjesën fundore. Ndërkohë që pastrojmë lakrën, në zjarr vendosim një enë me ujë të bollshëm. Pasi të ketë vluar uji, hedhim kripë dhe vendosim lakrën të ziejë me fundin poshtë për gati 5-6 minuta. Më pas e heqim lakrën dhe e kullojmë të ngrohtë. I hapim fletët një e nga një në një tavë ose mbi tavolinën e punës. Vijojmë me përgatitjen e mbushjes për dollma, ku të gjithë përbërësit e mbushjes i kalojmë në një tas. I përziejmë mirë dhe mbushim gjethet e lakrës. Poshtë tavës vendosim gjethe të plota dhe sipër fillojmë të vendosim sarmat e mbushura. Shtojmë një sasi uji të jetë 2 gisht mbi pjatën e vendosur. Në fund të gatimit i spërkasim me gjalpë dhe salcë të tretur si dhe bimë aromatike me shumicë.

MC/Shqiptarja.com

TAG: