POP 5

Lajmet më të lexuara të 5 minutave të fundit

Sport

'Dopietë' për ditëlindje, Tonali afron Milanin 4 pikë me titullin! Drejtori Maldini: Kemi shumë presion

Një ‘dopietë’ e Tonalit në ditën e lindjes ka nderuar Milanin që fitoi 1-3 me përmbysje kundër Verona-s dhe për rrjedhojë është rikthyer në vendin e parë kur kanë mbatur dhe dy javë kampionat. Ndërkohë në La Liga Atletico ka fituar derbin e Madridit kundër Real.

Milan është katër pikë larg titullit kampion. Kjo sepse ‘djalli’ në javën e 36 të Seria A fitoi 1-3 me përmbysje kundër Verona-s në një ndeshje që nisi në malore dhe mund të kishte përfunduar në mënyrën më të keqe sa i takon titullit. Ishte Simone i pari që zhbllokoi shifrat me kokë, por para se skuadrat të shkonin në dhomat e zhveshjes Leao depërtoi në zonë dhe asistoi për Tonalin, i cili nuk mund të gabonte.

Në pjesën e dytë ishte po kjo dyshe me Leoa-n e papërmbajtshëm që shërbeu për mesfushorin që përmbysi shifrat dhe ktheu qetësinë në kampin e ‘djallit’. Për Tonalin ‘dopieta’ erdhi në ditën e ditëlindjes së 22, ndërsa më pas shifrat përfundimtare i vulosi Florenzi.

Në përfundim të ndeshjes drejtori Paolo Maldini e pranoi se ‘skuadra ka presion të madh’, por tha se ‘do ta përballojmë’. Ndërkohë trajneri Pioli u kujdes të mbante skuadrën me këmbë në tokë, pasi ndeshjet e mbetura me Atalanta-n dhe Sassuolo-n i konsideroi finale. Nëse Milan dëshiron ta ketë titullin në duart e saj mjafton që në këto dy ndeshje të marrë katër pikë pavarësisht Interit që luan kundër Cagliar-it dhe Sampdoria-s.

Ndërkohë në ‘La Liga’ Real Madrid është mposhtur në derbi nga Atletico me rezultatin 1-0. Për ‘el colchoneros’ mjaftoi goli i Carrasco-s me penallti, ndërsa ‘galaktikët’ duket se kanë ulur rimin pasi siguruan matematikisht titullin kampion.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46