POP 5

Lajmet më të lexuara të 5 minutave të fundit

Politikë

Dorëheqja e Ermira Koçit
mandati i kalon Panaritit

Kalvari i dorëheqjes së mandateve të deputetëve në qarkun e Durrësit duket se do të vijoj sërish.
TIRANE- Kalvari i dorëheqjes së mandateve të deputetëve në qarkun e Durrësit duket se do të vijoj sërish. Në redin e ditës në mbledhjen e sotme të Komisionit Qendror të Zgjedhjeve është parashikuar që të bëhet zëvendësimi i mandatit të deputetes së Partisë Lëvizja Socialiste për Integrim, Ermira Koçi duke ia kaluar mandatit kandidatit tjetër, Ministrit të Bujqësisë Edmond Panariti. “Sipas Deklaratës Model 03, rezulton se gjinia femërore,si gjinia më pak e përfaqësuar ne listën shumemërore Qarku Durrës pas dorëheqjes së zj. Ermira Koçi ka shteruar.

Në mbështetje të nenit 164 pika 2,( fjalia e fundit ) duke qenë se lista e gjinisë femërore ka shteruar, KQZ nuk mund të zbatojë sanksionin plotësues. Për sa më sipër, mandati i ndërprerë duhet ti kalojë kandidatit vijues të listës shumemërore të Partisë Lëvizja Socialiste për Integrim, të zonës zgjedhore qarku Durrës. Sipas listës shumemërore të Partisë Lëvizja Socialiste për Integrim për Qarkun Durrës kandidati vijues është kandidati i cili renditet me numër rendor 2 ( dy) z. Edmond Panariti.

Nga verifikimi i dokumentacionit të mësipërm rezulton se personit tё cilit do t’i kalojë mandati si deputet për në Kuvendin e Shqipёrisё nga lista shumemërore pёr tё plotёsuar vendin vakant tё krijuar nga dorёheqja e znj.Ermira Koçi dhe shterimit të kandidateve të gjinisë femërore është z. Edmond Panariti”,- thuhet në projektvendimin e Komisionit Qendror të Zgjedhjeve.

Dorëzimi i mandatit
Sipas marrëveshjes së bërë ndërmjet Partisë Socialiste dhe Partisë Lëvizja Socialiste për Integrim është përcaktuar se të gjithë ministrat duhet të japin dorëheqjen nga posti i deputetit duke ia kalur atë një kandidatit tjetër. Edmon Panariti që është edhe Ministri i Bujqësisë ishte i vetmi ministër që kishte marrë postin pa pasur mandatin e deputetit, por duke qenë se pas dorëheqjes së Ermira Koçit, mandati i kaloi Ministrit të Bujqësisë.

Kësisoj, Panaritit në senacën pleanre të ditës së enjte do të bëj edhe betimin si deputeti i Kuvendit pasi kështu e përcakton rregullora e parlamentit dhe më pas do të jap dorëheqjen në bazë të marrëveshjes ndërmjet mazhorancës. Kësisoj mandatin e deputetit të LSI për qarkun e Durrësit do ta marri kandiati i tretë në listën shumemërore, Bujar Derveni.

Shkrimi u publikua sot (19.02.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44