POP 5

Lajmet më të lexuara të 5 minutave të fundit

Politikë

Dorëhiqen kreu e 2 anëtarë të Kom.
të Prokurimeve, largohen 2 të tjerë

Një nga institucionet kyçe në trajtimin e ankesave për tenderat publikë është “shkrirë” brenda ditës. Burime nga administrata thanë se kryetari i këtij Komisioni Denar Biba dhe dy anëtarë kanë dhënë dorëheqjen, ndërsa dy anëtarë të tjerë janë shkarkuar me vendim të Qeverisë.
 
TIRANE- Një nga institucionet kyçe në trajtimin e ankesave për tenderat publikë është “shkrirë” brenda ditës. Burime nga administrata thanë se kryetari i këtij Komisioni Denar Biba dhe dy anëtarë kanë dhënë dorëheqjen, ndërsa dy anëtarë të tjerë janë shkarkuar me vendim të Qeverisë.
 
Nuk janë ende të qarta arsyet e tre dorëheqjeve dhe dy shkarkimeve, por bën përshtypje fakti që lëvizjet ekstreme janë bërë njëherazi.
 
Komisioni i Prokurimit Publik përbëhet nga 5 anëtarë, kryetari, zëvendëskryetari dhe tre anëtarë.
 
Ish-nënkryetari i KQZ, Denar Biba ishte emëruar në krye të këtij Komisioni në tetor 2013.

Ja vendimi i Qeverisë
 
V E N D I M
PËR
LIRIMIN DHE EMËRIMIN NGA/ NË DETYRË TË DISA ANËTARËVE TË KOMISIONIT TË PROKURIMIT PUBLIK

Në mbështetje të nenit 100 të Kushtetutës, të pikës 2, të nenit 19/2, të ligjit nr.9643, datë 20.11.2006, “Për prokurimin publik”, të ndryshuar, dhe të neneve 116 e 117, të ligjit nr.8485, datë 12.5.1999, “Kodi i Procedurave Administrative të Republikës së Shqipërisë”, të ndryshuar, me propozimin e Kryeministrit, Këshilli i Ministrave
V E N D O S I:
1. Lirimin nga detyra të anëtarëve të Komisionit të Prokurimit Publik, si më poshtë vijon:
- Znj.Vilma Kruja Kadesha anëtar;
- Z. Denis Martopulla anëtar.
2. Emërimin në detyrë të anëtarëve të Komisionit të Prokurimit Publik, si më poshtë vijon:
- Znj. Juliana Hoxha anëtar;
- Z. Spiro Kuro anëtar.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27