Dorëheqja e Bashës, Baçi: Veprim hipokrit dhe i vonuar! Berisha, e vetmja zgjidhje që mund të bashkojë demokratët! Asnjë deputet nuk doli pro deklaratës së lexuar nga Alibeaj

Deputeti i Partisë Demokratike Luan Baçi, mbështetës i Komisionit të Rithemelimit të PD-së, thotë se dorëheqja e Lulzim Bashës është e vonuar dhe hipokrite. I ftuar në emisionin ‘Sot Live në Shqipëri’, në Report Tv, Baçi tha se Lulzim Basha është një gënjeshtra profesionist dhe që nuk mund të japë dorëheqjen nga diçka që nuk e ka në dorë, duke shtuar se ai është shkarkuar nga Kuvendi i 11 dhejtorit, i mbajtur nga 'Foltorja'.

‘Ishte një veprim hipokrit dhe i vonuar. Basha nuk mund të japë dorëheqjen nga diçka që nuk e ka në dorë. Kjo është statutore. Është shkarkuar që në Kuvendin e 11 dhjetorit. Qenien kryetar e bën vota e anëtarësisë. Basha insistonte se ka vulën dhe siglën, por kur u zgjodh kryetar u votua nga anëtarësia. Po ata anëtar në bazë të statutit e shkarkuan. Në çdo dalje të tyre, abuzonte më këtë drejtim se demokratët janë të gjithë pro-amerikanë. Ne e dimë mirë se SHBA është siguria dhe garancia jonë në të gjitha drejtimet. Po të vësh re dhe në dorëheqjen që dha përdor SHBA-të. Dhe deklarata e nënkryetarëve të PD-së ishte e turpshme, e gënjeshtër që nuk ka qenë nga grupi parlamentar. Flitet në emër të grupit parlamentar. Basha u shkarkua nga anëtarësia nuk e legjitimon gjykata. Basha është gënjeshtar profesionist, unë nuk e besoj, ishte dhe gjasme i prekur!’- u shpreh Baçi.

Ndërkohë deklaratën e nënkryetarit të PD-së, tashmë kryetar i komanduar Enkelejd Alibeajt, në emër të grupit parlamentar në ditë më parë, e quajti të turpshme dhe se nuk ishte mendimi i gjithë grupit, pro i mbështetësve të Bashës.

‘Ne jemi të gjithë për bashkimin e PD-së. Unë PD nuk quaj deputetë as kryesinë, PD është baza. 90% të anëtarëve të PD-së janë bashkë. Konflikti nuk është midis ty palëve por midis një njeriu të vetëm. Ata deputet duhet të dalin të gjithë bashkë dhe të lexojnë deklaratën. Doli në person i vetëm gjasme në emër të grupit parlamentar dhe asnjë nuk është deklaruar pro asaj deklarate. Kjo është në kërkesë e Lulzim Bashës dhe 3-4 individë që e mbështesin.’- tha Baçi.

Zgjidhjen për bashkimin e demokratëve, Luan Baçi e gjen tek Sali Berisha. Baçi tha se beson se ish-kreu i PD-së, i vetmi që ka artikuluar rikandidimin për postin e kryetarit, do të bashkojë demokratët dhe PD më pas do të bëhet shpresë për shqiptarët. Baçi shtoi se për të garuar për kreun e PD-së të marrë pjesë edhe Berisha edhe Basha, edhe kushdo tjetër që merr votat e bazës.

'Ne s’po i këkrojmë Bashës të bëjë hapa pas, ti je jo legjitim i kemi thënë lëviz nga vendi dhe hajde garo. Unë kurrë nuk mund të them një mendim që mos të garojë. Sali Berisha, duam apo nuk duam është fakt. Berisha është i vetmi njeri sot që bashkon PD-. Sali Berisha është e vetmja zgjidhje që PD të bashkohet dhe të bëhet shpresë për shqiptarët. Kur dilnim me Lulzim Bashën i lusnim anëtarët të vinin që ta takonin. Për Sali Berishën vinin vetë. Të hyjë në garë Lulzim Basha Sali Berisha, e kushdo tjetër dhe të zgjidhet me votë. Vënia e kushteve është e turpshme.’- deklaroi Baçi.

Lulzim Basha dha dorëheqjen si kryetar i PD-së, pas 9 vitesh si drejtues i kësaj partie. Vendimi i Bashës për dorëheqjen vjen pas humbjes së thellë të PD në zgjedhjet e pjesshme lokale të 6 marsit, ku jo vetëm nuk fitoi asnjëra nga 6 bashkitë, por u rendit edhe forcë e tretë. 

M.Q./r.k./Shqiptarja.com

TAG:
• Lufta brenda PD
• sali berisha
• luan baci
• doreheqja e bashes
• lulzim basha