Dorëheqje? Burime nga Ministria e Brendshme: Asgjë e vërtetë, Xhafaj vijon në krye të detyrës

TIRANE-Ministri i Brendshëm Fatmir Xhafaj ndodhet në zyrë duke vijuar detyrën duke rrëzuar kështu aludimet në disa portale që flasin për një dorëheqje pas akuzave të PD për vëllanë e tij. Burime për Report Tv pranë kabinetit të Ministrit të Brendshëm thanë se nuk ekziston asgjë e vërtetë për sa i përket dorëheqjes së Fatmir Xhafajt. Report Tv sjell pamjet e makinës së parkuar pranë institucionit, ndërsa Xhafaj ndodhet në zyrë prej mëngjesit. 

Të njëjtat burime saktësojnë se Xhafaj nuk ka në axhendë takime ditën e sotme. Të pyetur nga Report Tv nëse Xhafaj do të ketë ndonjë dalje për mediat, anëtarë të kabinetit theksuan se nuk është planifikuar komunikim me mediat dhe se Fatmir Xhafaj u qëndron deklaratave që ka bërë për këtë çështje.

PD publikoi dje një përgjim të dy personave duke ngritur pretendimin se njëri prej tyre është Agon Xhafaj vëllai ministrit të Brendshëm. PD thotë se kjo bisedë e regjistruar tregon se Agron Xhafaj vijon ende aktivitetin kriminal.

Prej disa ditësh me radhë Partia Demokratike akuzon Ministrin e Brendshëm se ka mbrojtur vëllanë e tij të dënuar në Itali me 7.2 vite burg për trafik droge. Demokratët pretendojnë gjithashtu se Xhafaj ka ndryshuar nenin 491 për ekstradimet, pikërisht për të mos lejuar dorëzimin te autoritetet italiane të vëllait të tij.

LEXO EDHE:
Në 25 vjetorin e Kushtetutës, Berisha akuza drejtësisë! Sulmon kryetaren e GJK: Fjalor i zhvejkut, politizimi i gjyqësorit po i çjerr maskën reformës së re

TAG:
• fatmir xhafaj
• agron xhafaj
• pergjimi i pd-se per agron xhafajn

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25.2%

• Keq

  61.4%

• Nuk e di

  13.5%

Vota total: 2130

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di