Dorëzohen materialet e para zgjedhore në KZAZ, ankohet PD: Kushte të tmerrshme pune (VIDEO)

Nisën këtë të mërkurë mbledhjet e para të KZAZ-ve për t'u dorëzuar komisionerëve materialet zgjedhore për zgjedhjet e 25 prillit. Ndryshe nga zgjedhjet e vitit 2019,  këtë vit ishin dhe përfaqësuesit e PD dhe LSI.

Konstituimi i KZAZ-së nr 39 në kryeqytet nuk kaloi pa debate. Komisionerët e PD vendosën në pikëpyetje seriozitetin me të cilin po zhvillohej mbledhja, duke kërkuar kushte më të mira.

“Nuk ka ta tavolina për të shkruar, tavolina për kompjutera. Kur shkohet në një vend pune shkohet me kushte. Kur të vija këtu duhet të gjeja të gjitha kushtet siç i takon një komisioni. E tmerrshme! E shikoni vet si ka ardh KQZ sot”, u ankuan komisionerët e Partisë Demokratike.

Në ditën e parë të mbledhjes u dorëzuan materiale të tilla si vula e KQZ, regjistri i vendimeve, libri i protokollit dhe regjistri i korespondencës. Konstituimi i 92 KZAZ-ve nisi sot dhe do të zgjasë deri në datë 29 janar.

E.M./b.ha./Shqiptarja.com
  • Sondazhi i ditës:

    Kolegji Zgjedhor rrëzon ankimimet e opozitës dhe certifikon 25 prillin, ju duket vendim i drejtë?

Komento


×

Lajmi i fundit

John

Edhe Parlamenti si Qeveria, Holanda me vendim unik dhe historik për Shqipërinë: Të përcaktohet sa më shpejt data për negociatat Shqipëri-BE