Dosja e Vettingut - S’deklaroi 100 mln lekë, gjyqtari Dvorani: Ishte pakujdesi

Komisioni i Pavarur i Kualifikimit ka arsyetuar vendimin për konfirmimin në detyrë të anëtarit të Gjykatës së Lartë, Ardian Dvorani, vendim i cili u komentua nga Partia Demokratike si i njëanshëm. Trupa gjykuese e përbërë nga Roland Ilia, Etleda Çiftja dhe Firdes Shuli, pas një hetimi të thelluar, ka arritur në konkluzionin se Ardian Dvorani ka arritur një nivel të besueshëm në vlerësimin e pasurisë, e cila është e justifikuar me burime të ligjshme dhe e bazuar në dokumentacion të plotë ligjor. Po cila ishte pasaktësia në deklarimin e pasurisë që rrezikoi pozitat e gjyqtarit? Inspektoriati i Lartë për Deklarimin dhe Kontrollin e Pasurisë, në raportin e dorëzuar në Komisionin e Vetingut, ka konstatuar se, Ardian Dvorani, në deklaratën e pasurisë për llogari të procesit të Vetingut, nuk ka deklaruar llogaritë bankare prej 9,975,000 lekësh. Mosdeklarimin e kësaj shume, ILDKPKI e ka konsideruar si deklarim të pasaktë dhe jo në përputhje me ligjin. Po ashtu, likuiditetet e padeklaruara i ka konsideruar si fshehje pasurie. Gjatë hetimit administrativ nga KPK, pas informacionit të marrë nga bankat e çdo niveli, ka rezultuar se gjyqtari Dvorani dhe personat e lidhur me të, nuk kanë deklaruar në deklaratën për Vetingun shumat 670,018 lekë, 3,500,000 lekë, 300,000 lekë, 401,025 lekë, 349,666 lekë, 2,000,000 lekë, 2,000,000 lekë etj. Por Komisioni i Pavarur i Kualifikimit thotë se këto shuma janë të justifikuara si dhe gjyqtari i ka deklaruar në të gjitha deklarata periodike të dorëzuara në ILDKPKI.

“Në deklaratat periodike janë deklaruar rregullisht, në mënyrë të detajuar dhe të dokumentuar, të ardhurat e subjektit dhe bashkëshortes, pasuritë, burimi i krijimit, si dhe të gjitha likuiditetet në llogaritë bankare të tyre, detyrim sipas nenit 7, pika 5, dhe nenit 21 të ligjit nr. 9049, datë 10.04.2003, “Për deklarimin dhe kontrollin e pasurive të detyrimeve financiare, të të zgjedhurve dhe të disa nëpunësve publike”, të ndryshuar. Deklarimi i fundit para Deklaratës - Vetting (datë 31.01.2017), është ai i bërë në datën 30.03.2016, nga ku rezulton të jenë deklaruar në mënyrë të detajuar dhe të dokumentuar të gjitha ndryshimet ne likuiditetet e subjektit dhe bashkëshortes, sipas ligjit të sipërpërmendur”, thuhet në vendim.

( Kliko këtu ) për vendimin e plotë të KPK për Ardian Dvoranin

LEXO EDHE:
Kolegji i Posaçëm i Apelimit ‘vulos’ shkarkimin e gjyqtares Lindita Sinanaj

Dvorani: Ishte pakujdesi

Anëtari i Gjykatës së Lartë, Ardian Dvorani ka deklaruar para KPK se mosdeklarimi i llogarive bankare në deklaratën për Vetingun, ishte një pakujdesi, pasi këto para janë deklaruar më parë në ILDKPKI vit pas viti. “Në parashtrimet e tij, subjekti pranon një pasaktësi të dukshme në formularin e deklarimit të pasurisë për Vetting, për shkak së nuk gjenden fizikisht katër faqe me deklarimin e likuiditeteve, dhe e shpjegon mungesën e deklarimit të të gjitha likuiditeteve të tij dhe personave të lidhur me të, për shkak të pakujdesisë dhe ngarkesës në momentin e mbledhjes së të dhënave për plotësimin e Deklaratës - Vetting, pa asnjë lloj motivi dhe qëllimi për fshehje pasurie, duke reflektuar një qëndrim kritik ndaj vetes për këtë pakujdesi, si dhe duke argumentuar ndërkohë mungesën totale të fshehjes së pasurisë (likuiditetet e padeklaruara)”, thuhet në vendimin e KPK.

KPK: Nuk konsiderohet fshehje pasurie

Komisioni i Pavarur i Kualifikimit ka arsyetuar se nuk mund të konsiderohet fshehje pasurie mosdeklarimi i atyre llogarive bankare, pasi gjyqtari i ka deklaruar më parë llogaritë, të cilat justifikohen me të ardhura të ligjshme. “Fakti që subjekti dhe bashkëshortja e tij, znj. E. D., në deklaratat periodike kanë deklaruar rregullisht likuiditetet, burimet e krijimit dhe ndryshimet e tyre ndër vite deri në vitin 2016, (detyrim sipas nenit 7 pika 5 dhe nenit 21 të ligjit nr. 9049, datë 10.04.2003, “Për deklarimin dhe kontrollin e pasurive të detyrimeve financiare, të të zgjedhurve dhe të disa nëpunësve publikë”, i ndryshuar), tregon se mosdeklarimi i likuiditeteve në shumën prej 7,882,353 lekë në Deklaratën – Vetting (2017), nuk është bërë me qëllim fshehje, dhe as për t’iu shmangur një detyrimi ligjor, të cilin subjekti e ka përmbushur rregullisht ndër vite, por është thjesht një harresë nga ana e tij. E njëjta gjë mund të thuhet dhe për likuiditetet në emër të prindërve, të cilat nuk janë deklaruar në Deklaratën-Vetting”, arsyeton KPK.

KPK kritikon ILDKPKI

Komisioni i Pavarur i Kualifikimit thotë se ILDKPKI-ja mund ta thërriste subjektin për sqarime të hollësishme, meqenëse këto llogari bankare i kishte deklaruar më parë. “Në zbatim të kësaj dispozite ligjore, ILDKPKI-ja mund të thërriste subjektin për sqarime të hollësishme dhe argumentet përkatëse lidhur me mosdeklarimin e likuiditeteve. Në dosjen e ILDKPKI-së, nuk ka një dokument që të vërtetojë këtë. Gjithashtu, në raportin për vlerësimin e pasurisë nuk është përmendur fakti se subjektit i janë kërkuar sqarime (detyrim ligjor sipas dispozitës së sipërpërmendur), përpara se të arrihej në konkluzionin se ai ka konsumuar fshehje pasurie. Gjatë analizës financiare për likuiditetet e padeklaruara, pasi janë verifikuar të gjitha të ardhurat e subjektit dhe personave të lidhur me të, mbështetur në deklaratat periodike dhe informacionin bankar të marrë në rrugë ligjore, është konstatuar se: Subjekti dhe personat e lidhur kanë deklaruar rregullisht në vite likuiditetet dhe burimin e krijimit të tyre që nga momenti i krijimit, deri në deklarimin për vitin 2016”, thuhet në vendim.

ILDKPKI

Inspektoriati i Lartë për Deklarimin dhe Kontrollin e Pasurisë, në raportin e dorëzuar në Komisionin e Vetingut, ka konstatuar se, Ardian Dvorani, në deklaratën e pasurisë për llogari të procesit të Vetingut, nuk ka deklaruar llogaritë bankare prej 9,975,000 lekësh.

Komisioni i Vetingut

Komisioni i Pavarur i Kualifikimit ka arsyetuar se nuk mund të konsiderohet fshehje pasurie mosdeklarimi i atyre llogarive bankare, pasi gjyqtari i ka deklaruar më parë llogaritë, të cilat justifikohen me të ardhura të ligjshme.

Konkluzionet e KPK për gjyqtarin Ardian Dvorani

1. Pasuria

Në përfundim të hetimit administrativ lidhur me rivlerësimin e pasurisë, sipas parashikimeve të pikës 5 të nenit 33 të ligjit nr. 84/2016, për subjektin e rivlerësimit, z. Ardian Dvorani, ka rezultuar:

-Deklarim i pasaktë për shkak të mosdeklarimit të likuiditeteve në llogaritë bankare të

subjektit dhe personave të lidhur me të në Deklaratën - Vetting, por, siç u argumentua

më lart, pa qëllimin e fshehjes;

-Ka pasur të ardhura të mjaftueshme të ligjshme për krijimin e pasurive dhe shpenzimet

e kryera gjatë periudhës së rivlerësimit, nga 2003 - 2016 (përfshirë këtu dhe likuiditetet

e padeklaruara);

-Nuk ka kryer fshehje të pasurisë;

-Nuk ka kryer deklarim të rremë;

-Nuk gjendet në situatën e konfliktit të interesit.

Bazuar në sa më lart, në përfundim të procesit të rivlerësimit për kriterin e vlerësimit të pasurisë, Komisioni arrin në konkluzionin se subjekti i rivlerësimit, z. Ardian Dvorani, ka arritur një nivel të besueshëm në vlerësimin e pasurisë, e cila është e justifikuar me burime të ligjshme, bazuar në dokumentacion të plotë ligjor.

2. Kontrolli i figurës

-Në përfundim të rivlerësimit për kriterin e kontrollit të figurës, Komisionit i rezulton se për subjektin e rivlerësimit, z. Ardian Dvorani, nga verifikimet e kryera nuk rezultoi të ketë kontakte të papërshtatshme me persona të përfshirë në krimin e organizuar, dhe ka dorëzuar në kohë deklaratën për figurën, si dhe ka bërë deklarime të sakta dhe me vërtetësi, ose nuk ka fshehur kontakte me persona të përfshirë në krimin e organizuar.

3. Aftësia profesionale

Në përputhje me nenin 44/a të ligjit nr. 84/2016, trupi gjykues, pasi ka marrë në

konsideratë propozimin e relatores së çështjes për vlerësimin “i aftë”, çmon se subjekti i

rivlerësimit ka treguar cilësi të pranueshme në punë, gjykim të drejtë, ka respektuar të drejtat e palëve, është eficient dhe efektiv në masë të pranueshme në punë dhe, për këto arsye, vlerësohet i aftë profesionalisht

TAG:
• vettingu
• KPK
• ardian dvorani

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  63.4%

• Jo

  29%

• Nuk e di

  7.6%

Vota total: 1511

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di