POP 5

Lajmet më të lexuara të 5 minutave të fundit

Kronikë

Dosja Partizani/ Udhëtimi misterioz në Vjenë i Berishës dhe anëtarit të KKP-së Bari Hodaj një muaj para se t'i kthehej prona dhëndrit të ish kryeministrit

Detaje të reja zbulohen në dosjen 500 faqe të SPAK për aferën e privatizimit të ish kompleksit Partizani pasuar me ndërtimin e 19 kullave nga dhëndri i ish kryeministrit Sali Berisha.

Dosja Partizani/ Udhëtimi misterioz në Vjenë i Berishës dhe anëtarit të KKP-së Bari Hodaj një muaj para se t'i kthehej prona dhëndrit të ish kryeministrit

Jamarbër Malltezi dhe Sali Berisha

Tirane- Detaje të reja zbulohen në dosjen 500 faqe të SPAK për aferën e privatizimit të ish kompleksit Partizani pasuar me ndërtimin e 19 kullave nga dhëndri i ish kryeministrit Sali Berisha.

Në dosje SPAK përmend ndër të tjera dajën e Jamarbër Malltezit, Bashkim Bekteshin, i cili ka dorëzuar në 12 tetor 2005 kërkesën për kthimin e pronës.

Kjo kërkesë thotë SPAK, ‘është përgatitur në të njëjtën ditë që Ministri i Mbrojtjes Fatmir Mediu i është drejtuar METE-s për të  marrë hapa të mëtejshme në lidhje me pronën e ndodhur tek Klub i Futbollit Partizani, pasi është vendosur që këto terrene të mos përfshihen në planin e përhapjes së FA-së.’

Asokohe thuhet në dosjen e SPAK, shfaqen udhëtime të përbashkëta mes Jamarbër Malltezit dhe Fatmir Bektashit, ndërsa i dyshimtë mbetet udhëtimi i Sali Berishës në Vjenë me shtetasin Bari Hodaj, i cili ishte personi që i ktheu pronën.

Konkretisht më datë 1 dhjetor 2005, shtetasit Sali Berisha me shtetasin Bari Hodaj kane qenë pasagjerë të linjës ajrore të udhëtimit Austrian Airlines Viena. Regjistrimi i tyre në hyrje është bërë në Rinas, përkatësisht Sali Berisha në orën 00:11 dhe Bari Hodaj në orën 00:07. Rreth një muaj e gjysmë më vonë, Komisioni i Kthimit të Pronave, merr vendimin ne.135, datë 20.01.2006, që i kthen edhe një pjesë tjetër prone familjes Begeja.

Pa u mbushur muaji nga ky udhëtim, konstatohet se në lidhje me familjen e Mahmut dhe Xhemal Begeja, rezulton se më datë 20 janar 2006, KVKKP ka vendosur: Të kthejë pronën me një sipërfaqe trualli prej 11 740 metër katrorë.

Sipas këtij vendimi të dhënë mes anëtareve shfaqet pikërisht Bari Hodaj bashkë Emil Konomi, Lindita Tako, Ermira Stavre dhe Besnik Hoxhaj. Komisioni ka vendosur që të kthejë pronën prej një sipërfaqje trualli prej 11740 m2 subjektit të shpronësuar Mahmut dhe Xhemal Begeja.

Sipërfaqja që mbetet për t’u kompensuar me një nga format e përcaktuara në këtë lig/ subjektit të shpronësuar të ndodhur në Tirane, sinori Shëngjin, është 13 925 m2.

Nga përmbajtja e këtij vendimi, rezulton se trashëgimtarët ligjore të subjektit të shpronësuar Mahmut dhe Xhemal Begeja, janë të përfaqësuar në prokurën me nr 1007 datë 13 mars 2002 nga Bashkim Bekteshi.

Konstatohet se, proces verbali për dorëzimin e pronës, është mbajtur më datë 20.02.2006 nga KVKKP i përfaqësuar nga Bari Hodaj dhe Arben Lasku dhe subjekti Xhimi Begeja. Gjithashtu në librin regjistër protokolli i vendimeve të marra nga Komisioni 2005 – 2006, konstatohet se aty ku janë bërë shënimet në lidhje me këtë vendim gjendet shënimi “ju dorëzua më 20.02.2006 Xhimi Begeja” ku gjendet edhe nënshkrimi i shtetasit Xhimi Begeja.

SPAK mori në pyetje Bari Hodaj më 30 maj 2022 për këtë udhëtim dhe për dosjen e privatizimit 

I pyetur në datën 30.05.2022, Bari Hodaj ka pretenduar se, dosja e familjes Begeja i ka kaluar në bazë të shortit.

Pikërisht për sipërfaqen prej 3120 m2, pjesë e kësaj sipërfaqeje të kthyer në vitin 2006, ka lindur një konflikt me shterasit Kapollari, i cili gjendet i pasqyruar në mënyrë të detajuar më poshtë.

Nga aktet rezulton se, sipas kartelës së pasurisë, me datë 28.02.2006, është regjistruar pasuria me me sipërfaqe trualli 3 120 m2, ku si bashkëpronarë janë Haki Begeja, Nimete Bekteshi. Nusret Kaçurri, Kreshnik Kaçurri me 525/4200 secili piese: Sanije Velo (Begeja), Myzejen Ago (Begeja). Lirije Lika (Begeja), Ajete Sulstarova që kanë secili nga 84/4200 pjesë: Gëzim Begeja me 504/4200 pjese: Haxhire dhe Elona Begeja me 105/4200 pjesë, Syzi Begeja, Ednand Begeja me 210/4200 pjesë; Lumturi Cela, Sejdije Kurti, Teuta Malka, Xhelan Kadiu, Mariban Kadiu, Nerime Piro. Bashkim Kadiu, që kane secili nga 60/4200 pjesë: Graciela Begeja, Vera Graboëski dhe Margaret Irëin që kanë secila nga  70/4200 pjesë.

Gjithashtu në dosjen e SPAK familjet e njohura pronare, nisin të përgatisin dokumentet përkatëse edhe për privatizim.  Pra, ende pa u kthyer përgjigja përfundimtare nga Ministria e Mbrojtjes, por pasi kishte nisur tashmë kjo korrespondencë, fillojnë të përpilohen prokura nga pronarët e njohur, me qëllim marrjen pjesë në procedurën e privatizimit.

Foto: Pjesë nga dosja e SPAK për aferën e privatizimit të ish kompleksit sportiv "Partizani"

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12