dënuarit kërkojnë rigjykim
Vendimi për kërkesën e 9 të dënuarve të "Xibraka" do të jepet më 15 nëntor. I dënuar për dosjen "Xibraka" është edhe nipi i ish- diktatorit Enver Hoxha, Ermal Hoxha.
Avokatët kanë kërkuar ndryshimin e vendimit të Shkallës së Parë dhe pranimin e gjykimit të shkurtuar. Prokurori është dakord me aplikimin e gjykimiy të shkurtuar, por kërkon lënien në fuqu të fajësisë.
Dënimet e dhëna për 9- të pjestarët e dosjes "Xibraka"
Ermal Hoxha - 10 vjet burg
Arjan Dalipi - 10 vjet burg
Cezar Avila - 12 vjet burg
Ilir Hysenaj - 12 vjet burg
Saimir Batku - 13 vjet burg
Klement Dalipi - 11 vjet burg
Genci Xhixha - 13 vjet burg
Gentjan Gjonaj - 11 vjet burg
Walter Moreno - 12 vjet burg
Laboratori i drogës në Xibrakë të Elbasanit
Grupi i drogës "Xibraka" u zbërthye në janar të vitit 2015, gjatë një operacioni të policisë të asistuar nga agjentë të policisë gjermane, ndërsa u sekuestua sasia rekord e kokainës prej 100 kg. Droga u gjet në një magazinë në fshatin Xibrakë 10 km larg qytetit të Elbasanit.
Tetë persona u arrestuan brenda dhe pranë magazinës së drogës, mes tyre dhe kreu i grupit Sajmir Batku, nipi ish-diktatorit Enver Hoxha, Ermal Hoxha dhe dy shtetas kolumbianë. Ndërkohë që u shpall në kërkim Genci Xhixha i cili njihet si kreu i një rrjeti të fuqishëm të trafikut të kokainës në Europë dhe më gjerë.
Si u zbulua laboratori i kokainës në Xibrakë
Në datën 17.12.2014, ka mbërritur në Prokurorinë për Krime të Rënda një informacion nga ana e autoriteteve gjermane mbi organizimin e një aktiviteti të trafikimit të një sasie lënde narkotike të dyshuar si kokainë nga Shqipëria drejt Gjermanisë.
Në datën 18.12.2014, Prokuroria për Krime të Rënda ka regjistruar procedimin penal nr.335 për veprën penale të “trafikimit të narkotikëve” e parashikuar nga neni 283/a i Kodit Penal.
Në bazë të hetimeve të Prokurorisë për Krime të Rënda rezulton e provuar se të pandehurit kanë krijuar një grup të strukturuar kriminal për trafikimin e lëndëve narkotike, në kuadër të të cilit ata kanë importuar në territorin e Republikës së Shqipërisë një sasi lënde në përmbajtje të së cilës ka qenë e fshehur kokainë.
Për ekstraktimin e saj, ata kanë ngritur edhe një laborator ku përpunohej lënda bazë që përmbante kokainën deri sa nxirrej në formën e saj përfundimtare, e gatshme për t’u shitur në treg apo trafikuar.
Prania e kokainës në një sërë lëndësh që ndodheshin të depozituara në enë, shishe qelqi, qese, kontenierë etj, të sekuestruara në magazinë, siç u përshkrua në mënyrë të detajuar më lart, provon plotësisht se në magazinën në Xibrakë ishte ngritur një laborator për ekstraktimin e kokainës nga lënda ku ishte fshehur më parë, me qëllim kalimin me lehtësi të kontrolleve në pikat doganore.
Redaksia Online
D.T/Shqiptarja.com
Lajme të tjera
-
Rezarta Shkurta shijon pushimet e luksit në Maldive me Ermal Hoxhën, "rrethuar" nga peshkaqenët dhe flamingot
27 Shkurt, 18:50 -
EKSKLUZIVE/ Laboratori i kokainës në Xibrakë, Gjykata e Lartë nuk pranon rekursin e Ermal Hoxhës për pafajësi
28 Nëntor 2023, 17:01
-
Të dënuar për drogë dhe vjedhje, OFL u kërkon formularin e pasurisë 4 personave në Tiranë, njëri pjesë e dosjes Xibraka
3 Shtator 2020, 11:54 -
EKSKLUZIVE/ Lista e papublikuar e OFL: Nga nipi i Enver Hoxhës tek Edmond Bego, Nehat Kulla, dhe i forti i Saukut
20 Shkurt 2020, 15:23
-
Prapaskenat / Gjyqtarja që ‘izoloi’ Saimir Tahirin dhe liroi Arben Frrokun iku nga drejtësia pasi u njoh me dosjen e pasurisë
7 Shkurt 2020, 15:45
-
Aksioni kundër KÇK-së, Spaho: Saimir Tahiri dhe Ermal Hoxha, janë argumentet se përse PD-ja nuk ka besim
6 Shkurt 2020, 13:37 -
PD: Jo turizëm policor, Anti-KÇK të përqendrohet në Tiranë! Pasuritë e Ermal Hoxhës nuk duhet të mbeten të paprekshme (VIDEO)
5 Shkurt 2020, 13:38
