Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile

Pas krizës së inflacionit të vitit 2022, efektet e së cilës ende vijojnë, qeveria ka ndërhyrë në ligjin e rezervave shtetërore. Në draftin e hedhur në konsultim publik nga Ministria e Mbrojtjes thuhet se përdorimi i rezervës do të aktivizohet edhe në kushtet e çrregullimit të tregut, që vjen si rezultat i rritjes së inflacionit, dhe për të përballuar nevojat e tregut vendas këshilli i Ministrave vendos furnizimin apo plotësimin e nevojave me mall rezervë shteti.

“Çrregullimi i tregut” do të thotë prishja e theksuar e ekuilibrave të tregut për shkak të rritjes së inflacionit, ku për përballimin e nevojave të tregut vendas me vendim të Këshillit të Ministrave apo akt tjetër nënligjor vendoset furnizimi apo plotësimi i nevojave me mall rezervë shteti”, thuhet në pikën 15 të nenit 4 të projektligjit të ri.

Kjo lëvizje e qeverisë vjen 2 vite pasi vendi u përball me inflacion të lartë dhe me vështirësi për të siguruar mall nga jashtë siç ishte rasti i energjisë elektrike ku përtej faktit që çmimet arritën deri 1000 euro megavati ishte vështirë të sigurohej edhe sasia e domosdoshme për furnizim. E njëjta gjë ndodhi edhe me karburantin edhe produktet e shportës, që solli edhe ngritjen e bordeve të transparencës për monitorimin e çmimeve.

Vetëm si pasojë e vështirësive për furnizim me produkte ushqimore, kryesisht vaj grurë dhe produkte të tjera të shportës qeveria miratoi në vitin 2022 një garanci sovrane për importuesit që të rrisnin rezervat e tyre, me qëllim që të mos ndërpritej furnizimi.

Një tjetër pikë që ndryshon, ka të bëjë edhe me krijimin e rezervës, ku nuk do të pranohen mallra me datë skadence të afërt deri në 6 muaj.

“Rezerva materiale e shtetit nuk merr në dorëzim mallra: të skaduara apo me afat përdorimi jo më pak se 6 muaj para afatit të skadimit; pa vlerë përdorimi për rezervën materiale të shtetit”, thuhet në nenin 12 të projektligjit.

K.T./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 19/06/2024 13:16

    Gjithe ato rezerva qe kishte komunizmi i shkaterruan ne 97 dhe talleshin me ate kurse tani kujtohen qe ato ishin te domosdoshme

    Përgjigju
  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Yjet e muzikës botërore, vajzat e grupit ‘ABBA’ shijojnë pushimet në Sarandë

Yjet e muzikës botërore, vajzat e grupit ‘ABBA’ shijojnë pushimet në Sarandë