POP 5

Lajmet më të lexuara të 5 minutave të fundit

Ekonomi

Drafti, vjedhja e energjisë,
vetëm dënim me burg

Masat e ndëshkimit për vjedhjet e energjisë elektrike janë drejt ashpërsimit, si për konsumatorët familjar,ë ashtu edhe për bizneset.
Drafti, vjedhja e energjisë,<br />vetëm dënim me burg
TIRANE- Masat e ndëshkimit për vjedhjet e energjisë elektrike janë drejt ashpërsimit, si për konsumatorët familjar,ë ashtu edhe për bizneset. Aktualisht, Qeveria është duke përgatitur një draft, në bazë të të cilit duhet të kryhen ndryshime në Kodin Penal të Republikës së Shqipërisë. Gjithashtu, ndryshimet parashikojnë edhe mirëformulimin gjuhësor të legjislacionit, në mënyrë që interpretimi i tij të mos lejojë hapësirë mosndëshkimi.
 
Masat
Vjedhja e energjisë do të dënohet me burg. Në draftin ligjor parashikohet që masa e ndëshkimit për konsumatorët familjarë, në rast se konstatohet se kanë kryer vjedhje të energjisë elektrike më shumë se një herë, dënimi do të jetë 3 vite heqje lirie. Po ashtu, kjo masë dënimi do të jetë e vlefshme nëse shkelësit kanë qenë bashkëpunëtorë në vjedhje. Nga ana tjetër, përsa u përket vjedhjeve të kryera nga sipërmarrjet, masa e ndëshkimit do të jetë më e rreptë. Si rrjedhojë, në bazë të këtij drafti, nëse konstatohet se është kryer vjedhje e energjisë elektrike nga një sipërmarrje, masa e ndëshkimit është 5 vite heqje lirie për shkelësin. Fakti që masa ndëshkimore për sipërmarrjet, sipas këtij drafti, do të jetë më e rreptë, në rast konstatimi të vjedhjes së energjisë elektrike, argumentohet me atë se vepra penale është kryer për arsye fitimi.
 
Formulimi
Në ligjin aktual, formulimi gjuhësor lë hapësirë interpretimi, në rast se është konstatuar vjedhje e energjisë elektrike. Kjo, për faktin se veprimi përcaktohet, herë si vepër penale dhe herë si kundravajtje penale. Sipas draftit, që parashikon ndryshimet në Kodin Penal, vjedhja e energjisë elektrike do të konsiderohet si krim dhe dënimi do të jetë heqje lirie.
 
Matësit  
Dëmtimi i matësve të energjisë elektrike pritet të sjellë gjithashtu një masë heqje lirie për autorët. Sipas draftit, dëmtimi i qëllimshëm i matësve do të konsiderohet si krim dhe dënimi parashikohet të jetë 3 vite burgim.
 
Humbjet
Vjedhja e energjisë elektrike në vend regjistron nivele të larta, dhe sipas ministrit të Energjisë dhe Industrisë, Damian Gjiknuri, kjo shifër e vjedhjeve shkon 100 deri 140 milionë euro.

Shkrimi u publikua sot (26.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51