ITALI - Serie A e futbollit në Itali zhvilloi këtë të dielë raundin e 38-të, të fundit për sezonin 2025-26, aty ku u mësuan edhe verdiktet finale.

Milani ka shkatërruar gjithë sezonin me humbjen 1-2 në “San Siro” ndaj Cagliarit, duke mbetur jashtë Champions League. Kuqezinjtë kishin nevojë vetëm për një pikë për të siguruar kualifikimin, por u larguan mes zhgënjimit të tifozëve.

Milani e nisi ndeshjen në mënyrën më të mirë, teksa Alexis Saelemaekers shënoi që në minutën e dytë. Megjithatë, miqtë reaguan shpejt dhe barazuan me Gennaro Borrelli pas një goditjeje këndi. Në pjesën e dytë ishte Juan Rodriguez ai që realizoi golin vendimtar me kokë në minutën e 57-të, duke 'vulosur' triumfin e Cagliarit dhe krizën e madhe të Milanit.

Nga kjo situatë përfitoi Como, që shkroi historinë duke siguruar për herë të parë pjesëmarrjen në Champions League. Skuadra e drejtuar nga Cesc Fabregas fitoi bindshëm 1-4 ndaj Cremonese dhe e mbylli sezonin në vendin e katërt. Vetëm 7 vite më parë Como luante në kategorinë e katërt të futbollit italian.

Ndërkohë, Roma bëri detyrën në transfertë ndaj Veronës duke triumfuar 0-2. Donyell Malen hapi sfidën, ndërsa Stephan El Shaarwuy 'vulosi' suksesin në kohën shtesë. Verdhekuqtë e mbyllin kampionatin në vendin e tretë.

Derbi i qytetit mes Torinos dhe Juventusit u mbyll 0-1 për bardhezinjtë në pjesën e parë. Takimi nisi me vonesë për shkak të përplasjeve mes tifozerive, ndërsa Juves nuk do t’i bëjnë punë as tri pikë pasi zyrtarisht janë jashtë Championsit.

Në fundin e tabelës, Lecce siguroi mbijetesën falë fitores minimale ndaj Genoa. Ndërsa Cremonese bie në Serie B së bashku me Veronën dhe Pisan.

Për sezonin e ardhshëm evropian, Juventusi dhe Milani do të luajnë në Europa League, ndërsa Atalanta në Conference League.

Serie A, raundi i 38-të (i fundit):

E diel, 24 maj 2026

15:00 Parma 1-0 Sassuolo

18:00 Napoli 1-0 Udinese

20:45

Milan 1-2 Cagliari

Cremonese 1-4 Como

Lecce 1-0 Genoa

Torino 0-1 Juventus (pjesa e parë, ndeshja nisi në 21:50)

Verona 0-2 Roma

Renditja finale e sezonit:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Maj, 22:10

    Si ju duket rizgjedhja e Berishës në krye të PD pa garë?

Lajme të tjera