Drejtori Paolo Maldini: Rikthejmë Milanin në majë, më bind projekti

Paolo Maldini ka pasur shumë emocione sot para mediave, ku ka rrëfyer arsyen se përse ai vendosi të rikthehet te Milani, skuadra ku ai kaloi 25 vite të jetës së tij.

Kurrë nuk kam JO pa biseduar më parë me ata që më kanë kërkuar. Takimi me Barbara Berlusconi nuk shkoi mirë, po ashtu edhe me pronarët kinezë, ku nuk kisha asnjë rol.

Ndërsa tani situata është ndryshe. Leonardo më tregoi projektin, bisedova me pronarët e rinj, që më shpjeguan se çfarë duan të bëjnë dhe u binda. Unë besoj te ky projekt dhe jam i lumtur që bëj pjesë në të.

LEXO EDHE:
'Dinastia' Maldini/ Debutim në të njëjtën fushë si i ati, Danieli: Emocionuese, ia dedikoj familjes

Paolo Maldini

Më tej, ish-mbrojtësi milanist tregon edhe se cila do të jetë më në detaje detyra e tij.

Do të merrem me ekipin e parë, më të rinjtë, me ekipet e moshave, merkato, marrëdhënien mes trajnerit dhe klubit.

Unë dhe Leonardo do të ndajmë së bashku të gjitha aspektet sportive, do të kemi të njëjtat përgjegjësi. E ndiej shumë përgjegjësinë që më ngarkohet, por edhe dëshirën që kisha për t’u rikthyer te ky ambient, që më ka dhënë gjithçka.

Paolo Maldini

Maldini rikthehet te skuadra kuqezi si pjesë e stafit të saj pas 9 vitesh.

Kam biseduar edhe me Gattuson, do të punojmë së bashku për të arritur një rezultat më të mirë se vendi i gjashtë i sezonit të kaluar. Marrëdhëniet e mia me tifozët e Milanit janë të shkëlqyera, më duan dhe e kanë treguar gjithnjë këtë gjë. Ajo që ndodhi ditën time të lamtumirës ka mbetur aty dhe karriera ime gjykohet për atë që kam dhënë në fushë.

Paolo Maldini

TAG:
• Paolo Maldini

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1509

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq