POP 5

Lajmet më të lexuara të 5 minutave të fundit

Politikë

Drejtuesit e PD në qarqe, 11 ish-ministra dhe 138 vite në Kuvend së bashku

Duhet të ishte viti i ndryshimit, por listat e PD janë të mbushur pothuajse eksluzivisht me persona që janë katapultuar në politikë nga Sali Berisha dhe që kanë humbur në mënyrë konstante nga viti 2013 e mbrapa, në total 5 palë zgjedhje.

Drejtuesit e PD në qarqe, 11 ish-ministra dhe 138 vite në Kuvend së bashku

Kryetari i PR Fatmir Mediu, ish kryeministri Sali Berisha dhe Kryetari i PD, Lulzim Basha

Duhet të ishte viti i ndryshimit, por listat e PD janë të mbushur pothuajse eksluzivisht me persona që janë katapultuar në politikë nga Sali Berisha dhe që kanë humbur në mënyrë konstante nga viti 2013 e mbrapa, në total 5 palë zgjedhje.

Nëse në Partinë Socialiste, nga 12 kryetarët e Qarqeve 10 janë gra dhe 7 prurje të reja në politikën shqiptare, nga 12 kryetarët e PD të gjithë kanë qenë deputetë dhe gjysma prej tyre kanë mbajtur poste të rëndësishme në kabinetet e drejtuara nga ish-Kryeministri Berisha.

Duke i marrë të gjithë së bashku, kryetarët e PD kanë shërbyer 138 vjet në Kuvendin e Shqipërisë, mesatarisht 12 vjet secili.

Mes tyre janë në total 11 ish-ministra, si dhe një zëvendëskryeministër.

Duke e nisur nga kryetari i Qarkut Tiranë, njëherazi i Partisë, Lulzim Basha. Shërben si deputet që prej vitit 2005, me ndërprerjen e vetme në periudhën kur ishte kryetar Bashkie. Tre herë ka shërbyer si ministër, i Jashtëm, i Brendshëm dhe i Transportit.

Oerd Bylykbashi, ish-shefi i kabinetit 2009-13 të Berishës kryeson Durrësin. Ka shërbyer si deputet që prej 2013-s pa ndërprerje.

Romeo Gurakuqi kryeson Shkodrën. Shërben prej vitit 2017 dhe kandidon për legjislaturën e tij të dytë.

Edmond Spaho, i pari në Elbasan, ish-Ministri i Turizmit që shërben si deputet prej 16 vitesh.

Agron Shehaj, milioneri i ardhur nga bota e biznesit, i pari në Vlorë shërben që prej vitit 2017.

Enkelejd Alibeaj, prej 16 vitesh deputet dhe ish-Ministër i Drejtësisë kryeson Fierin.

Valentina Duka, e para në Korçë kërkon legjislaturën e saj të dytë.

Eduard Halimi, ish-Ministër Drejtësie, prej 12 vitesh deputet kryeson Beratin.

I pari në Lezhë, Aldo Bumçi, prej 16 vitesh deputet dhe dy herë Ministër, një herë i Turizmit dhe Sportit, herën tjetër i Jashtëm.

Flamur Noka, prej 2009-s deputet, njeriu që Sali Berisha i besoi në mandatin e tij të dytë ministrinë e Brendshme.

Dhurata Çupi në Dibër kërkon legjislaturën e saj të dytë.

Tritan Shehu, rekordmen. I pari i Gjirokastrës është deputet prej 26 vitesh, nga viti 1991 me ndërprerjen e vetme të legjislaturës 13-17. Ish-zëvendëskryeministër dhe ish-Ministër i Shëndetësisë./Lexo.al

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46