POP 5

Lajmet më të lexuara të 5 minutave të fundit

Politikë

‘Dreka e gabuar’! Ftesa e Xhelal Mziut përplas PD! Berisha: Fillimi i i ri i grupit parlamentar! Bardhi: Asnjë mesazh politik, të ftuarit në vaki e dasma nuk zgjidhen

Një trokitje gotash për festën e fundvitit ka kthyer sërish në vëmendje ndarjen brenda PD. Festa që bashkoi deputetët demokratë mesditën e sotme, u pa nga Sali Berisha si një fillimi I ri I grupit parlamentar të PD. Iu përgjigj Gazment Bardhi, për të cilin drekat miqësore nuk duhet të keqpërdoren politikisht.

Pas një viti, të ndarë në dy kampe, edhe në festime informale, demokratët u bënë bashkë për të trokitur gotat në fundvit.

Me nismë të deputetit Xhelal Mziu, drekës iu bashkuan deputetë të të dy kampeve, mes të cilëve Sali Berisha e besnikët e tij, por edhe ata të kampit tjetër: Gazment Bardhi, Jorida Tabaku e të tjerë, por mungoi kreu i grupit Enkelejd Alibeaj dhe ish kryetari Lulzim Basha, dy kundërshtarët më të mëdhenj të Berishës në PD.

Mirëpo, publikimi i pamjeve nga kjo festë, e para që mbledh të dyja kampet u pa ndyshe mes tyre.

Për Sali Berishën, dreka festive kishte mesazh politik: Një fillim të ri për grupin parlamentar të PD.

Aludimeve, se kjo festë do t’i hapte rrugën bashkimit rreth Berishës, sikurse ky i fundit pretendonte, të grupit parlamentar të PD, iu përgjigj deputeti Gazment Bardhi:

“Keqpërdorimi për qëllime politike i një dreke miqësore të organizuar nga kolegu Xhelal Mziu është akt dëshpërimi. Në vaki, festa, apo dasma, të ftuarit nuk zgjedhin dot njëri tjetrin. Ky nuk përbën asnjë fillim të vjetër apo të ri dhe dreka e sotme nuk kishte asnjë mesazh politik!", shkruan Bardhi. 

Partia Demokratike vijon të përballet me një përcarje të thellë që prej shtatorit të 2021. Disa muaj më parë dështoi edhe përpjekja për bashkim për daljen me një kandidat në zgjedhjet vendore.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Kush është gruaja e fshehur në Vjenë, që di gjithçka për aferat e Metës: I duhej një dëshmi force për t’u mbyllur gojën dëshmitarëve

Kush është gruaja e fshehur në Vjenë, që di gjithçka për aferat e Metës: I duhej një dëshmi force për t’u mbyllur gojën dëshmitarëve

19 Prill, 10:51