Transportonin me avionë ultraleggero drogë nga Shqipëria drejt Italisë, prokuroria në Torino kërkon 75 vite burg për 5 persona, mes të cilëve italianë dhe shqiptarë.

Pak kohë më parë policia e Torinos shkatërroi bandën e cila kishte transportuar 76 kg marijuanë nga Shqipëria drejt Italisë përmes një avioni llojit Dynamic.

Prokurori ka kërkuar 24 vite burg për kreun e grupit. Ndërsa për krahun e tij të djathtë njw italian prokurori kërkoi 20 vite, për të tjerët 10 vite e 8 muaj dhe 25 mijë euro për pilotin Italian.

Për dy pjesëtarët e tjerë të grupit shqiptarë drejtësia kërkoi 8 vite e 20 mijë euro dhe 11 vite e 30 mijë euro respektivisht. Vendimi pritet në muajt në vijim.

Avioni, i llojit Dynamic ishte fshehur në një magazinë përdorej për transportin e sasive të mëdha të drogës llojit marijuanë. Droga merrej të Shqipëri dhe më pas avioni shpërndante drogën në të gjithë Piemonten.

Të pandehurit akuzohen për trafikim ndërkombetar të lendëve narkotike.

Redaksia Online
l.q/Shqiptarja.com