POP 5

Lajmet më të lexuara të 5 minutave të fundit

Sport

'Duhet të kishim shënuar ndaj Kazakistanit', Trashi dhe Seferi në prag të ndeshjes me Lituaninë

Dy ditë para ndeshjes me Lituaninë, futbollistët e Kombëtares Lorenc Trashi dhe Taulant Seferi, janë ende me mendjen te rastet e shpërdoruara në barazimin pa gola me Kazakistanin.

Kombëtarja shqiptare këtë të hënë ka vijuar të qëndrojë në Kazakistan ku ka kryer edhe stërvitjen e radhës në prag të ndeshjes me Lituaninë që luhet të mërkurën për Ligën e Kombeve. Trajneri Reja ka patur në dispozicion të gjithë grupin, pasi ndeshja me Kazakistanin nuk ka sjellë asnjë dëmtim. Në kuadër të këtyre përgatitjeve ka folur sot mbrojtësi Lorenc Trashi, i cili ka peng rastet e humbura me Kazakistanin, një sfidë që përfundoi 0-0.

Trashi: "Duhet të kishim shënuar ndaj Kazakistanit. Doja dhe ne u futëm në fushë të merrnim tre pikët, sepse ishim më mirë, luajtëm më mirë."

Ndërkohë Taulant Seferi, një futbollist që mori pak minuta në barazimin me Kazakistanin, thotë se Kombëtarja jo vetëm që synon fitoren me Lituaninë por shpreson edhe te vendi i parë në grup.

Seferi: “Unë kam shumë besim te grupi jonë i ri, është atmosferë shumë e mirë, ka shumë kualitet në skuadër. Do marrim maksimumin dhe shpresoj të dalim të parët në grup për të arritur objektivat tona."

Për ndeshjen që do të luhet me Lituaninë të mërkurën në orën 18:00 UEFA ka caktuar një katërshe arbitrash nga Franca me kryesor Karim Abed. Ndërkohë përsa i përket historisë, në 5 ndeshje të zhvilluar me Lituaninë Kombëtarja ka regjistruar dy fitore dhe tre humbje, e fundit një muaj më parë në Air Albania.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Patrioti: 13/10/2020 12:57

    Ndeshja me Kazakistanin ishte nje turp. Kombetare qe terhiqte kembet zvarre, lojtare pa deshire, pa zjarr, te ngopur me para.

    Përgjigju
  • 0-INTERES: 12/10/2020 20:02

    Komtare dhe djem te ri qe luajne sikur ti kene fut me zor ne formacion.Me Lituanine keni humjen e rralles.Reja duhet te largohet nuk ju kerkon llogari.

    Përgjigju
  • Tifosi i pashpres: 12/10/2020 15:55

    90 minuta te jetes time te hedhura posht me ate ndeshje te peshtirosur. Kamza do luante shume me mire nga ju. Turp, mbyllni gojen dhe luani kembet se jeni skandal.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03