POP 5

Lajmet më të lexuara të 5 minutave të fundit

Politikë

Dule: S'kemi vendosur ende për
koalicionin, takoi mbrëmë Ramën

Kryetari i PBDNJ-së thotë se ka kohë për të vendosur se me cilin koalicion do të bashkohet. Në një prononcim për median jashtë parlamentit Dule tha: “Nuk e kemi marrë ende këtë vendim kemi kohën e duhur politike për të konsuliduar qëndrimet tona politike”. 
TIRANE - Kryetari i PBDNJ-së thotë se ka kohë për të vendosur se me cilin koalicion do të bashkohet. Në një prononcim për median jashtë parlamentit Dule tha: “Nuk e kemi marrë ende këtë vendim kemi kohën e duhur politike për të konsuliduar qëndrimet tona politike”.

Sipas Dules, idealja do të ishte krijimi i një “Poli të Tretë”, por aktualisht mundësitë për një gjë të tillë nuk ekzistojnë. “Do t’i shërbente jetës politike, pasi thyente bipolaritetin nga i cili asgjë e mirë nuk i ka ardhur vendit. Por, Poli i Tretë kërkon politikanë me kurajë, me vizion. Nuk e kemi ende këtë mrekulli” nënvizoi Dule.

Dule shtoi se PBDNJ do të votojë kundër ministrave të rinj të kabinetit qeveritar pa LSI-në. “PBDNJ mbetet konseguente ndaj qëndrimeve opozitare ndaj kësaj qeverie të dështuar. Do votojmë kundër. Një votë pozitive për këtë qeveri do të jetë vetëm për 3 ligjet e integrimit.”

Deklarata vjen një ditë pasi Dule u takua me kryesocialistin Rama, por nuk u arrit ndonjë marrëveshje për përfshirjen e PBDNJ-së në koalicionin e PS-së

Takimi i Ramës me Dulen u zhvilliua mbërmjen e 3 prillit në hotel "Diplomat" në kryeqytet. Mësohet se objekt diskutimi ka pasur bashkëpunimin mes PS dhe PBDNJ në një koalicion opozitar që do të garantonte akoma më shumë fitoren e forcave progresiste dhe rrëzimin e kryeministrit Berisha, në funksion të një qeverisje më të mirë opozitës pas 23 qershorit.

Nga ana e tij  Rama ka sqaruar vetëm se "me Dulen jam mik prej kohësh dhe nuk takohem veç për çështje pune".

PBDNJ-ja nuk ka deklaruar ende deri tani se me cilat forca do të bëjë koalicion parazgjedhor kur kanë mbetur pak ditë nga përfundimi i bërjes së koalicioneve parazgjedhore për shkak të afateve kohore që parashikon Kodi Zgjedhor.

Një përfshirje e mundshme e PBDNJ në koalicionin opozitar tashmë me Ramën dhe me Metën, do garantonte njëherësh dhe përmbysjen maksimale të raporteve në KQZ, në favor të opozitës, por dhe të raporteve në komisionet vendore që do të garantonin mazhorancën e thellë e të cilësuar në gjysmën e vendit si dhe shumicën e thjeshtë në gjysmën tjetër të komisioneve, duke minimizuar mundësinë e manipulimit të votave nga Berisha.

vangjel dule
(Foto: Dule sot para Parlamentit)

rama dule

(Rama me Dulen pas takimit në hotel Diplomat mbrëmjen e 3 prillit)

Lajmi fillimisht u publikua me 23:30 të 3 prillit dhe u perditesua me 4 prill ora 12: 04

Redaksia online
(ar.sh/sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Alarmoi RENEA-n, ja çfarë u gjet në apartamentin e katit të 8-të tek Astiri (VIDEO)

Alarmoi RENEA-n, ja çfarë u gjet në apartamentin e katit të 8-të tek Astiri (VIDEO)

10 Janar, 14:39