Drejtori i Përgjithshëm i Agjencisë Kombëtare të Krimit të Mbretërisë së Bashkuar (NCA), Graeme Biggar, ka pritur kreun e Prokurorisë së Posaçme Kundër Korrupsionit dhe Krimit të Organizuar të Shqipërisë, Altin Dumani, dhe drejtorin e ri të Byrosë Kombëtare të Hetimit, Joni Keta.

Lajmin e bën të ditur ambasada britanike në Tiranë, e cila thotë se "Biggar i ka dhënë një vlerësim mirënjohjeje Dumanit për të vlerësuar udhëheqjen e tij dhe për të nderuar guximin dhe integritetin e tij në luftën kundër Krimit të Rëndë dhe të Organizuar dhe në ndjekjen e drejtësisë".