Një 29- vjeçar është arrestuar ditën e sotme në qytetin e Durrësit, pasi ka ushtruar dhunë mbi gruan e tij.

Mësohet se në pranga ka rënë 29- vjeçari Gjani Brozi, pasi për shkaqe xhelozie ka goditur gruan e tij E.L, 29 vjeç, brenda ambienteve të spitalit të Durrësit.

Mbi 29 –vjeçarin Gjani Brozi, rëndon akuza e “dhunës në familje”.

Njoftimi i policisë:
Specialistët për Krimet në Komisariatin e Policisë Durrës arrestuan në flagrancë shtetasin:

• Gjani Brozi 29 vjeç, banues në Durrës.

Në ambientet e Spitalit Rajonal Durrës, për motive xhelozie ka ushtruar dhunë fizike duke e goditur bashkëshorten e tij, shtetasen E. L. 29 vjeçe.

Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale" Dhunë në familje" parashikuar në nenin 130/a të Kodit Penal.

Redaksia Online
D.T/Shqiptarja.com