DURRES-Një shpërthim i fuqishëm me eksploziv ka tronditur banorët e lagjes nr. 15 në Porto Romano gjatë natës.
 
Shpërthimi është shkaktuar nga një bombë artizanale e vendosur në lokalin e Fetah Matajt në katin e parë, ndërsa banesa e tij është tre katëshe.
 
Shpërthimi ka shkaktuar vetëm dëme materiale, ndërsa pas ngjarjes është lajmëruar policia që ka nisur hetimet për identifikimin dhe arrestimin e autorëve.
 
Në momentin e shpërthimit lokali ka qenë i mbyllur dhe nuk ka pasur njeri brenda.
 
Policia po heton në disa pista të vjetra për të cilat Mataj ka qenë dënuar, ndërsa nuk përjashtohet edhe ndonjë konflikt i kohëve të fundit, që mund të ketë sjellë edhe ngjarjen.
 
Gjithashtu po hetohet edhe pista e konflikteve të mundshme të prindërve të tij me fqinjët.

35 vjeçari është ish-punonjës i bashkisë, ndërsa rezulton i arrestuar dhe dënuar për gjobëvënie, vetëm pak kohë më parë kishte dalë nga burgu, pasi kreu dënimin.
 
[gallery]22176[/gallery]



Dëshmia e Fetah Matajt: Ai që do të vrasë të qëllon me armë
Pas ngjarjes i kontaktuar nga Report Tv, Fetah Mataj u shpreh se nuk kam pasur sherre dhe konflikte, ndërsa eksplozivi sipas tij ishte për ta trembur.
 
"Vendosja e eksplozivit ishte për të na trembur. Ai që do të vrasë të qëllon me armë.
 
Kuptohet që nga shpërthimi u trembem. Une nuk kam dëshmuar në polici por ka dëshmuar nëna ime.
 
Nuk kam sherre me asnjë njeri dhe nuk kam përse të dëshmoj në polici" deklaroi ai.