Një qytetar kosovar ka denoncuar dy punonjës policie në Durrës, duke thënë se të dy ata i kanë kërkuar ryshfet.

Pas denoncimit të qytetarit nga Kosova ka reaguar menjëherë Policia e Durrësit e cila ka bërë me dije se drejtori i Drejtorisë Vendore të Policisë Durrës, ka urdhëruar pezullimin e dy punonjësve të policisë, I.SH dhe I.V deri sa të sqarohen rrethanat.

Gjithashtu policia ka bërë me dije se përsa i përket mjetit të qytetarit nga Kosova, i është vendosur një masë administrative nga patrulla e policisë.

Çështja është dërguar në Drejtorinë e Policisë së Shtetit, për sqarimin e ngjarjes dhe marrjen e masave përkatese. 

Redaksia Online
E.S / shqiptarja.com