Durrës, plagosje me thikë në
shëtitore, pamje ekskluzive

DURRËS - Një plagosje me thikë ka ndodhur pasditen e sotme në shëtitoren “Taulantia” të Durrësit, në prani të dhjetra kalimtarëve, që i ka pushtuar paniku. Mësohet se i plagosuri është Gjon Marashi, 29 vjeç nga Shkodra, ndërsa është bërë i mundur arrestimi i autorit Dritan Biçaku, 26 vjeç nga Librazhdi.

Televizioni "A1Report!" disponon pamjet ekskluzive të ngjarjes, ku bie në sy indiferenca e qytetarëve. Në fotot më poshtë është pikërisht personi i goditur me  thikë në qafë dhe i transportuar me urgjencë në spitalin e Durrësit, ku i është nënshtruar ndërhyrjes kirurgjikale.

Policia nuk ka vonuar dhe ka njoftuar se ka arrestuar autorin e pragosjes, 26-vjeçarin Dritan Biçaku nga Qarrishta e Librazhdit, që u kap në ikje e sipër pranë Monumentit të Rezistencës. Ai u dërgua në policinë e Durrësit dhe ndaj tij nisi marrja në pyetje për shkaqet që e çuan në këtë akt dhe në publik.

Ende nuk dihen arsyet që çuan në plagosjen e Marashit, ndërkohë po punohet për zbardhjen e plotë të ngjarjes.



(Momentet e futjes në ambulancë të të plagosurit)

Lajm në përditësim


Redaksia online
(ar.sh/Shqiptarja.com)