Dy ditë para derbit me Juventusin, Interi rinovon me 'arkitektin' e klubit

Dy ditë para derbit me Juventusin, Interi rinovon me 'arkitektin' e klubit

Zanetti dhe Marotta

Beppe Marotta ka rinovuar kontratën me Interin deri në vitin 2027 . Njoftimi u bë gjatë takimit të Bordit të Drejtorëve që u zhvillua mëngjesin e së premtes në selinë e zikaltërve në "Viale della Liberazione", me presidentin Steven Zhang të lidhur nga Kina online.

Numri një i klubit donte të konfirmonte Marottën si Administrator Sportiv pas rezultateve të shumta sportive të arritura në vitet e fundit dhe tani priten edhe rinovimet e drejtorit sportiv Piero Ausilio dhe zëvendësit të tij, Dario Baccin.

Gjatë Bordit të Drejtorëve u miratua edhe raporti i parë tremujor i sezonit 2023-24 (ai që zgjat nga korriku në shtator): xhiroja e klubit ishte rreth 166 milionë euro, një rritje prej rreth 60 milionë euro (+36% ) krahasuar me të njëjtën periudhë referuese të sezonit 2022/23.

Rezultati pozitiv është kryesisht rezultat i fitimeve kapitale të regjistruara (shitjet e Onana dhe Brozovic), por edhe nga të ardhurat më të mëdha nga të drejtat televizive, ditët e ndeshjeve dhe nga sektori i "licensimit dhe shitjes me pakicë".

Kujtojmë se të dielën në orën 20:45 luhet Derbi i Italisë mes Juventusit dhe Interit.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Europa League/ Milani 'peshkon' Slavian e Pragës, Roma luan me Brighton! Liverpool gjen Spartën, Atalanta - Sporting

Europa League/ Milani 'peshkon' Slavian e Pragës, Roma luan me Brighton! Liverpool gjen Spartën, Atalanta - Sporting