Dy qendrat më të mëdha tregtare në Shqipëri, rekord në riciklimin e letrës

Dy qendrat më të mëdha tregtare në Shqipëri, rekord në riciklimin e letrës

Tirana East Gate

Tirana East Gate dhe Qendra Tregtare Univers ose si njihen më mirë me akronimet TEG dhe QTU, janë qendrat tregtare me një numër rekord vizitorësh në vit, të cilët i tërheqin trendet botërorë të modës dje jo vetëm që gjejnë aty dhe një përvojë e plotësuar me argëtim apo mjedise çlodhëse.

Koleksionet e veshjeve të gjigantëve botërorë, të cilët rinovohen në të njëjtën kohë me vendet evropiane, si dhe hipermarketet SPAR me mijëra produkte, natyrshëm janë pjesë e linjave ndërkombëtare të furnizimit.

Një rrjet shumëkombësh transporti me rrugë tokësore, ujore dhe ajrore bën të mundur arritjen e produkteve nga e gjithë bota tek konsumatori ynë, ashtu si njëkohësisht krijon një sasi të konsiderueshme mbetjesh nga paketimi i tyre.

Pikërisht këtë pasoja të aktivitetit të përditshëm TEG dhe QTU e kanë zgjidhur më së miri, duke ricikluar përgjatë gjithë vitit sasinë totale të letrës së panevojshme.

Denisa Gjini, menaxhere e qendrës TEG, konfirmon se vetëm gjatë vitit të kaluar ato kanë ricikluar 315 ton letër. Dhe sasitë e letrës së ricikluar janë të konsiderueshme nga viti në vit. Ajo shton se riciklimi në mënyrë të përgjegjshme do të përfshijë në të ardhmen edhe mbetjet e llojeve të tjera që sjell veprimtaria e njësive tregtare.

Kjo praktikë e mirë gjen pasqyrim edhe në drejtimet e përgjegjshmërisë sociale të dy qendrave tregtare.

Organizime sportive në natyrë si Triatloni i Farkës dhe projekti i dhënies së biçikletave për ata që e zgjedhin si mjet lëvizjeje por nuk kanë mundësi ekonomike në bashkëpunim me bashkinë e Tiranës, plotësojnë profilin e TEG dhe QTU si mbështetës të nismave për mbrojtjen e mjedisit dhe promovimin e jetesës së shëndetshme, politika që ndiqen nga të gjitha kompanitë e Grupit BALFIN, pjesë e të cilit janë edhe dy qendrat në fjalë, nën kujdesin e veçantë që Presidenti i Grupit Samir Mane tregon për përgjegjësinë sociale.

TEG

QTU

SI.E./Shqiptarja.com
  • Sondazhi i ditës:

    Listat e deputetëve të hapura në 2/3 dhe jo plotësisht, jeni dakord?



×

Lajmi i fundit

Rrëmbimi dhe vrasja e Jan Prengës/ Gjykata e Lartë kthen çështjen për rishqyrtim në Apelin e Posaçëm me trup tjetër gjykuese

Rrëmbimi dhe vrasja e Jan Prengës/ Gjykata e Lartë kthen çështjen për rishqyrtim në Apelin e Posaçëm me trup tjetër gjykuese