Gjirokastra, Korça dhe Berati u renditen ndër qarqet me numrin me lartë te të vdekurve gjatë vitit 2018 në raport me popullsinë, teksa Tirana, Kukësi dhe Durrësi shënuan norma më të ulëta.
Sipas të dhënave nga INSTAT, të përpunuara nga Monitor për 1000 banorë, në Gjirokastër numri i jetëve të humbura për 1000 banorë ishte 12.1 më 2018, me një rënie të lehtë nga viti 2017. Në Korçë ky tregues ishte në 10 për 1000 banorë dhe në Berat 9.2.
Tirana renditet në qarqet ku numri i vdekjeve në raport me popullsinë ishte më i ulëti me vetëm 5.8 jetë të humbura për 1000 banorë më pas Kukësi me 6.6 dhe Durrësi me 7. 1 vdekje për 1 mijë banorë.
Demografët shpjegojnë se prevelancat më të larta të jetëve të humbura në, Gjirokastër, Korçë dhe Berat lidhen me plakjen e popullsisë në këto qarqe në raport me të tjerat.
Numri i vdekjeve në 2018 është 21.804 persona, duke pësuar një rënie prej 1,9 %, krahasuar me një vit më parë.
Në dhjetë nga dymbëdhjetë qarqet e vendit, numri i vdekjeve ka pësuar rënie në vitin 2018 në krahasim me vitin 2017.
Teksa popullsia po tkurret dhe po plaket prej rënies së numrit të lindjeve dhe emigracionit, numri i personave që humbasin për shkak edhe të moshimit të popullsisë do të jetë në trend rritës.
Dy faktorët kryesorë që shkaktojnë vdekjet më të mëdha janë sëmundjet e qarkullimit të gjakut (zemra dhe goditjet në tru) dhe tumoret, të dyja në rritje.
Vitet e fundit numri me i i madh i vdekjeve në vendin tonë u shkaktua nga grupsëmundjet e “Aparatit të qarkullimit të gjakut”, të cilat ishin përgjegjëse për më shumë se gjysmën e vdekjeve. Brenda këtij grupi, përqindjen më të lartë e zë vdekshmëria nga “Sëmundje të enëve të trurit” dhe “Sëmundje kronike të zemrës”.
Vdekjet nga grupsëmundja “Tumore” zunë 16,4 % të vdekjeve gjithsej më 2017, duke u renditur si grupi i dytë kryesor referuar numrit të vdekjeve të shkaktuara. Në grupin “Tumore” përqindjen më të lartë e zë nëngrupi “Tumore të aparatit të frymëmarjes”, me 33,5 %.
Vdekjet nga grupsëmundja “Simptoma, shenja dhe sëmundje të papërcaktuara mirë”, renditet si grupi i tretë kryesor referuar numrit të vdekjeve të shkaktuara. Niveli i vdekshmërisë për këtë grupsëmundje ishte 16,0 % më 2017.
Në këtë grup, 75,5 % e zënë vdekjet në moshën 80 vjeç e lart dhe shkaku specifik i vdekjes është “Vdekje nga pleqëria”.
Burimi: INSTAT, përpunime të Monitor
Lajme të tjera
-
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
-
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor, 11:05 -
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Në vitin 2025 do të shpenzohen mbi 8 mln euro për mbetjet! Bashkia Durrës do marrë 2.5 mln euro për trajtimin e tyre
9 Dhjetor, 18:39
-
S’ka më banesa individuale, por rezidenca shumëkatëshe! Mbi 2 mln metër katrorë ndërtime të reja me vlerë 806 mln €, u miratuan në 9 muaj nga bashkitë
29 Nëntor, 08:07
-
Shtohen të huajt në shtator, shqiptarët nuk po bëjnë më pushime! Ja shifrat e INSTAT
23 Nëntor, 07:52 -
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18
