Reperja e njohur Cardi B ka fituar një gjyq kundër krijueses së videove në “Youtube” Tasha K. Ajo e ka akuzuar atë për cënim privatësie, shpifje, dhe shkaktim të qëllimshëm të stresit dhe shqetësimit emocional.
Cardi B, emri i vërtetë i së cilës është Belcalis Marlenis Almanzar, u vu në shënjestër nga Latasha Transrina Kebe, e cila njihet si Tasha K, në një fushatë për të “dëmtuar dhe shkatërruar” reputacionin midis fansave të saj, sipas një padie të ngritur në vitin 2019, në Gjykatën e Qarkut të SHBA-së në rrethin verior të Georgia-s.
“Kebe publikoi deklarata të shumta të rreme dhe shpifëse në lidhje me Cardi B, duke përfshirë se ishte një prostitutë, përdoruese kokaine, dhe se ajo kishte e ka ende herpes,” thuhej në padi, e cila u ngrit kundër Tasha K dhe Kebe Studios LLC.
“Duke bërë dhe publikuar deklaratat dhe fushatën e videove ngacmuese, duke përfshirë videot shpifëse, të pandehurit synonin t’i shkaktonin paditësit shqetësim emocional,” thuhej në padi, dhe gjithashtu pretendonte se Cardi B “vuajti poshtërime mjaft të rënda” dhe “gjendje mendore ankthi”.
Kështu, Cardi B e ka fituar këtë gjyq duke u shpërblyer me jo pak, por me një shumë prej 1 milionë dollarësh.
Lajme të tjera
-
Cardi B akuzohet për dhunë fizike ndaj rojes së sigurisë
4 Prill, 14:51 -
Oferta më e lartë 99 mijë dollarë, del në ankand mikrofoni me të cilin Cardi B goditi fansen në koncert
3 Gusht 2023, 07:44 -
VIDEOLAJM/ Fansja i hodhi ujë teksa performonte në skenë, Cardi B e godet me mikrofon
30 Korrik 2023, 15:54 -
'Më vodhi 20 mijë euro dhe më braktisi', Cardi B kujton momentin e vështirë
9 Korrik 2022, 21:24 -
Cardi B i dhuron një çek bashkëshortit të saj me shifra marramendëse
22 Dhjetor 2021, 23:33 -
Cardi B ndan foton e shtëpisë së sapo blerë në qytetin e Nju Jorkut: 'Kjo është një ëndërr'
5 Nëntor 2021, 03:55 -
Cardi B ngjall polemika: Personazhet e famshëm janë paguar që të thonë se janë me COVID-19
25 Mars 2020, 17:31
