E akuzojnë për përdhunim, Neymar zbulon bisedat me vajzën denoncuese

Një ‘bombë’ ka plasur në Brazil në prag të Kupës së Amerikës. Ai që është bërë çështje është Neymar, i cili është akuzuar se ka përdhunuar një vajzë në Paris. Sipas asaj që raporton “Globoesporte”, sulmuesi i PSG-së dhe ylli i “Seleçaos” akuzohet për një ngjarje të ndodhur në 15 maj.

Neymar dhe vajza e cila po ashtu është braziliane janë takuar në një hotel në kryeqytetin francez, ndërsa dy ditë më pas, më 17 maj, pas kthimit në atdhe, vajza ka denoncuar futbollistin. Çifti janë njohur në rrjetet sociale dhe biletën vajzës për të udhëtuar në Francë ia ka siguruar një shok i Neymar.

Pas këtij lajmi ka ardhur edhe reagimi i Neymar.

Futbollisti në rrjetet sociale ka publikuar mesazhet dhe disa foto të shkëmbyera me vajzën në fjalë, ndërsa shkruan: “Po akuzohem për përdhunim. Janë fjalë shumë të rënda, por ajo që po kaloj është një situatë e rëndë. Po ju tregoj të gjitha bisedat që kam pasur me këtë grua. Të gjitha momentet tona intime, është e nevojshme të tregohet çfarë ka ndodhur. Ajo që ka ndodhur, ishte një marrëdhënie mes një mashkulli dhe një femre, brenda katër muresh, diçka që e bën çdo çift.”

 

Ne.k./r.k./Shqiptarja.com

TAG:
• neymar
• perdhunimi