POP 5

Lajmet më të lexuara të 5 minutave të fundit

Sociale

'E ardhmja e bunkerëve', projekti
gjerman për shndërrimin e tyre

Simbol i periudhës së komunizmit, bunkerët janë kthyer tashmë për shqiptarët në një kujtim të së kaluarës së hidhur. Por ndërsa ne kthejmë kokën tutje kur i hasim rrugës, bunkerët shqiptarë kanë entuziazmuar gjermanët që jo vetëm kanë krijuar një projekt mbi to, por edhe një kurs studimesh.
Simbol i periudhës së komunizmit, bunkerët janë kthyer tashmë për shqiptarët në një kujtim të së kaluarës së hidhur. Por ndërsa ne kthejmë kokën tutje kur i hasim rrugës, bunkerët shqiptarë kanë entuziazmuar gjermanët që jo vetëm kanë krijuar një projekt mbi to, por edhe një kurs studimesh.

Gjithçka ka nisur nga një ide e një studenteje gjermane të universitetit të Mainz, e cila ka shkruar një temë diplome me titull “Bunkerkunft” që shqip mund të përshtatet si “E ardhmja e bunkerëve”. Ajo thjeshtë kishte imagjinuar se bunkerët mund të ripërshtateshin si një vend për strehimin e kafshëve, ose mund të ktheheshin në dyqane ose lokale.

bunker

Profesorit të saj, Markus, ideja jo vetëm që i ka pëlqyer shumë, por e ka shtyrë atë edhe më tutje duke ngritur një kurs studimesh eksperimental, me seminare dhe projekte të realizuara nga studentët e tij. Kontaktet me Shqipërinë tashmë kanë nisur dhe shpejt pritet të fillojnë punimet për krijimin e të parit Bunker Bed & Breakfast.

Sipas revistës prestigjoze gjermane Der Spiegel, e cila ka shkruajtur mbi të, bëhet fjalë për një projekt pilot, një prototip për t’u ndjekur, për të gjithë ata që dëshirojnë të bëhen pjesë jo vetëm një projekti arkitekturor por edhe të zhvillimit ekonomik në Shqipëri.

Por kush do të flinte në një bunker të ristrukturuar? Nuk duhet të jetë e vështirë të gjenden klientë edhe mes shqiptarëve pasi një nga rregullat e projektit është se çmimi nuk duhet të kalojë 8 eurot/nata për person.

Ideatorët shpresojnë që në këtë mënyrë të ndihmojnë edhe turizmin shqiptar, duke evituar çimentifikimin që po gërryen gjithnjë e më shumë brigjet e vendit tonë.

(im/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55