E bujshme/ Alessandro Del Piero i bashkohet Cristiano Ronaldos te Al Nassr

E bujshme/ Alessandro Del Piero i bashkohet Cristiano Ronaldos te Al Nassr

Cristiano Ronaldo dhe Del Piero

Nga Arabia Saudite bëjnë me dije se Alessandro Del Piero mund të shkojë te Al-Nassr për t'u bërë drejtori i ri sportiv. Ish-ylli i Juventusit nuk është rikthyer zyrtarisht në botën e futbollit që nga "varja e këpucëve në gozhdë" në fillim të vitit 2015, kryesisht duke kaluar kohë larg fushës ose duke kryer detyra mediatike.

Muajin e kaluar, Del Piero filloi një kurs në Coverciano ndërsa punon për të marrë një licencë UEFA Pro, niveli më i lartë i certifikimit të trajnerit në Evropë. Sport Mediaset tregon se Del Piero tundohet nga ideja për t'u nisur në Arabinë Saudite për t'u bërë drejtori i ri sportiv i Al-Nassr. Klubi kohët e fundit punësoi ish-lojtarin e Romës, Guido Fienga, si CEO të ri.

Arabia Saudite ka filluar gjithnjë e më shumë të investojë në botën e futbollit, duke filluar me blerjen e Newcastle United dhe nënshkrimin e Cristiano Ronaldos në janar. Një nga arsyet me sa duket pas këtij investimi në rritje u bë e dukshme të mërkurën, kur FA Saudite njoftoi synimet e saj për të nisur një ofertë për të pritur Kupën e Botës 2034.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Ylli Pata: Fiksimi për teorinë e shumatoreve të patericave në opozitë

Ylli Pata: Fiksimi për teorinë e shumatoreve të patericave në opozitë