Fundnëntorin e vitit të kaluar kur toka u drodh nën këmbët tona ju nuk rrëmbyet palltot e ngrohta të stinës por veshët përparëset e bardha, i hipët ambulancës dhe nxituat për në gërmadhat e Durrësit, Laçit, Thumanës.
Me duart tuaja peshonit mbi gjokset e të plagosurve të tërmetit tu sillnit në jetë zemrat e tyre të dërmuara nga fatkeqësia natyrore. U pastronit gjakun e plagëve dhe u jepnit oksigjen e shpresë fëmijëve, pleqve, vajzave, djemve për tua rikthyer funksionimin e organizmit. Ballë jush ishte kapriçoja e natyrës por ju nuk humbët as durim dhe as u demoralizuat. Jeta triumfoi mbi gërmadhat e mortit e si zakonisht ju modestë vazhduat punën dhe misionin tuaj.
Pas tërmetit erdhi ndërrimi i viteve dhe ne të tjerët si gjithmonë u harbuam mes festës, fishekzjarreve, bakllavasë, alkoolit e të dehur e të mbingopur përfunduam sërish në duart tuaja. Ju nuk festuat vitin e ri por në gadishmërinë sublime prisnit e përcillnit në dyert e spitaleve viktimat e qejfit dhe të abuzimit. Na ndenjët te koka, na shëruat dhe na përcollët plot humanizëm. Edhe ditët e mëpasme të vitit që erdhi vazhduan si gjithmonë me aksidentet, plagosjet, rrahjet, vrasjet, plagët, gjakun por ju aty stoikë si gjithmonë shëruat dhe shëroni viktima e njëkohësisht mbyllni plagët e dalldisë tonë kolektive.
Sot që po u shkruaj është dita e tretë e një pranvere fatkeqe nacionale e ndërsa shumica prej nesh jemi mbyllur në shtëpi, ju jeni aty në mes të kolerës vdekjeprurëse duke u shërbyer pacientëve që nuk po i kursen coronavirusi. Ju i keni shpallur luftë një armiku të padukshëm që po merr më qafë vendin, kontinentin, planetin dhe vetëmohimi juaj është e vetmja shpresë për këdo nga ne.
Ndryshe nga qindra kolegët tuaj që u arratisën drejt Gjermanisë ju mjeket, infermierët dhe sanitarët e këtushëm po mbani gjallë atë shkëndijën e vogël të zjarrit të jetës. Para jush ne jemi dorëzuar të gjithë dhe po para jush ne ndihemi të vegjël dhe borxhllinj të mëdhenj. Por mos harroni se shumë prej nesh janë të pabesë porsi virusi e ndërkohë që ju shëroni njërën plagë, plagë të tjera u hap politika, media, mosmirënjohja.
2./
Të drobitur nga orët e pafundme të punës tuaj, ju gjeni kohë ti përgjigjeni edhe virozës edhe renegatëve që duan të përfitojnë mbi tragjedinë kombëtare. Puna, sakrificat dhe modestia juaj mbeten ilaçi më i fortë i këtyre ditëve dhe teksa u shohim për së largu tek i qëndroni mbi kokë pacientit mezi presim të afrohet fundmarsi e tu përqafojmë të gjithëve një e nga një.
Me falni se desh harrova. Kur të mbaroni punë kontrolloni xhepat e përparëseve tuaja të bardha. Aty nuk do gjeni 10 mijë lekëshin tim, do gjeni 10 milionë urime dhe bekime nga ne të gjithë.
Faleminderit!
Komente
Lajme të tjera
-
Bledi Mane: Vjehrri i Adriatik Lapajt më kërkon t’i jap 30 milionë lekë pse e quaj kriminel
26 Qershor, 18:45
-
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Fitime të fryra? Bledi Mane zbuloi shumat marramendëse që marrin ish-banorët e BBV, Valbona Mema komenton shifrat
8 Gusht 2023, 11:18 -
Bledi Mane e ‘pranon’: E meritonte fitoren Luizi! Dallaverexhi me 5 yje, të mos i rikthehet veseve
31 Korrik 2023, 16:53 -
Mes lotësh Bledi Mane, rrëfen momente prekëse nga koha kur ishte i dënuar: Prindërit vinin kokulur në dyert e burgut 313 dhe iknin më të kërrusur se kurrë
30 Korrik 2023, 13:15 -
Bledi Mane: Luizi fiton 100 mijë euro në muaj, Kiara nuk shet dot as një palë brekë
25 Korrik 2023, 16:25 -
Bledi Mane tregon momentin epik me prindërit e Dea Mishel: Po ngjisnim shkallët dhe më kërkonin llogari se përse isha zënë me vajzën e tyre
16 Korrik 2023, 22:38 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
Bledi Mane bën deklaratën e papritur për Jori Dellin: Ka një të keqe që e kontrollon mami kudo
4 Qershor 2023, 14:06 -
Bledi Mane komenton situatën në Kosovë, por nuk i del inati me Nitën, ja si e 'thumbon' ish-banoren e BBV
2 Qershor 2023, 08:17 -
Pas përplasjeve në rrjet, Bledi Mane përballet live me Nita Latifin: Marr kërcënime nga Kosova! Këngëtarja acarohet nga fjalori banal: A je normal?
28 Maj 2023, 19:09
Po. Kur ju vjen veza në by.. na doni të gjithëve ne personelin shëndetësor.. Popull hipokrit!!
PërgjigjuNe ju duam gjithmone, por disa prej jush kane mbushur xhepat me hallet tona e disa te tjere jane aq te papergjegjshem sa joprofesionalizmi i tyre merr jetet tona. Pra, nuk e kemi ne hiprokrizine, jemi te sinqerte, e keni ju midis tuaj qe nuk demaskoni dhe pastroni vetveten nga parazitet e sistemit tone te lodhur shendetesor. Tung. Ju duam shume!