POP 5

Lajmet më të lexuara të 5 minutave të fundit

Kronikë

E drejta e protestës në Kushtetuese/ Gjykata e Shkodrës kundër ndryshimeve në Kodin Penal: Nuk duhet leje për tubimet

Gjykata e Apelit Shkodër kërkon të shpallet antikushtetues konsiderimi vepër penale e tubimeve apo protestës pa marrë më parë leje tek organet kompetente. Ky ankim i gjykatës është depozituar prej 28 janarit dhe pritet që sapo të formohet trupa gjykuese të shqyrtohet.

E drejta e protestës në Kushtetuese/ Gjykata e Shkodrës kundër ndryshimeve në Kodin Penal: Nuk duhet leje për tubimet

Foto ilustruese

TIRANE- E drejta për të protestuar përfundon në Gjykatën Kushtetuese. Ndryshimet e Kodit Penal risollën të formuluar nenin 262 i cili për të protestuar kërkon më parë të merret leje tek organet kompetente.

Në rast se protestohet pa leje ky nen dhe Kodi Penal parashikon dënim si kundra-vajtje penale me gjobë ose dënim deri në një vit burg.

Çfarë thotë neni 262 sipas kodit penal të vitit 2017 i ndryshuar?

Organizimi i grumbullimeve dhe i manifestimeve të personave në sheshe dhe vende të kalimit publik, pa marrë më parë lejen nga organi kompetent sipas dispozitave të veçanta apo kur nga organizatorët shkelen kushtet e parashtruara në kërkesën për dhënie të lejes, përbën kundërvajtje penale dhe dënohet me gjobë ose me burgim gjer në një vit

E ky nen sipas Gjykatës së Apelit të Shkodrës është antikushtetues dhe duhet shfuqizuar pasi heq të drejtën e qytetarëve për të protestuar.

Këtë ankim Apeli i Shkodrës e ka depozituar në Kushtetuese për t'u shprehur drejtpërsëdrejti me një kontroll incidental, pasi vetë apeli në Shkodër po shqyrton një çështje që lidhet me tubimin e paligjshëm.

Gjykata Kushtetuese e ka regjistruar këtë ankim prej 28 janar 2020 ndërsa mbetet në pritje për të formuar trupën gjykuese për ta shqyrtuar.

Kjo është padia e dytë për ligje antikushtetuese e depozituar nga gjykatat në vend pranë kushtetuese, më herët ishte gjykata e Tiranës e cila kërkoi të shfuqizohet ndryshimi në Kodin e Procedurës penale për rishikimet e dënimeve dhëna në mungesë.

Njoftimi ne Gjykaten Kushtetuese

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • xxx: 09/02/2020 16:27

    E kane kaluar vetingun keta gjyqtare apo vazhdojne te jene gjyqtaret e plepave

    Përgjigju
  • Tini: 09/02/2020 13:42

    Shume dakort qe sipas gjykates Shkodres ,leja per protesta qeka antikushtetuese ,po ne rast se protestuesit djegin dhe dhunojne shtetin a eshte kushtetuese ? Shteti mbohet mw ligje per te parandaluar dhunen dhe prandaj organizatoret duhet te marrin pergjeghesine e dhunes. Te gjithe bashke mund ta forcojme shtetin

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25