Nëna e Matias, Mariola Rrapaj, djalit 10-vjeçar i cili u vra me thikë nga babai tij në shtëpinë e tyrenë Cura di Vetralla, në Itali, është në gjendje shoku. Partneri i saj dhe babai i fëmijës, 44-vjeçari polak Mirko Tomkow u arrestua si i dyshuar për vrasjen e djalit të tij.

‘Mirko shkatërroi jetën time. Me vdekjen e Matias tim humba gjithçka dhe jeta ime tani nuk ka më vlerë. Ai ishte atje, në shtrat i mbuluar nga gjaku. E dija që donte të më vriste, isha e përgatitur për këtë, jo që të vrasë djalin tim’, i tha gruaja e shtruar tashmë në spital, siç raportohet nga La Stampa dhe Corriere della Sera.

Ajo tregon se ka gjetur djalin të mbuluar nga gjaku dhe trupin e tij të copëtuar.

‘Kur pashë djalin tim në krevat të mbuluar me gjak, mendova se po çmendesha. Për këtë arsye vazhdova të bërtas. Po bërtisja dhe nuk mund të ndaloja... E kam të vështirë të besoj që Mirko i bëri gjithë atë gjë. Më ka kërcënuar gjithmonë me vdekje. “Do të të djeg me benzinë”, më tha. Por nuk e kisha menduar kurrë se do të na vriste fëmijën”, shtoi gruaja, e cila sipas asaj që shkruante gjyqtari hetues, jetonte prej vitesh “në një gjendje të nënshtrimit psikologjik total’.

"Unë do të të vras, ti je një p...’- ky ishte një nga kërcënimet që çuan karabinierët në Karabinierët e stacionit të Vetrallës në muajin gusht në këtë familje, dhe efektivet në fakt konstatuan keqtrajtimin në familje, çka solli përfundimisht edhe ndarjen mes çiftit dhe më pas marrjen e kujdestarisë së djalit 10 vjec nga nena shqiptare.

Sipas hetuesve, ato besojnë se Matia i ka hapur derën babait, i cili më pas vrau fëmijën e tij. Karabinierët nuk gjetën asnjë shenjë të hyrjes me forcë në derën e shtëpisë. Nuk përjashtohet, pra, që të ketë qenë vetë Matias që i ka hapur derën babait, i cili, megjithatë, sipas asaj që mësohet, mund t'i kishte ende në dispozicion çelësat e shtëpisë, pavarësisht se nga shtatori e kishte të ndalur të shkonte në atë banesë dhe t’u afrohej fëmijës e gruas.

Ai e gjeti Mattias vetëm në shtëpi. Një rastësi tragjike! Fëmija në fakt ishte ftuar për drekë nga daja, por pasi la shkollën ai preferoi të shkonte në shtëpi, duke i thënë atij se tashmë kishte drekën gati në shtëpi të përgatitur nga e ëma. Ndoshta, pas drekës, Matias i hapi derën babait të tij, i cili e vrau me thikë, sipas Tgcom.

Në shtrat, të pajetë dhe të mbuluar me gjak, rreth orës 15:30, fëmija u gjet nga nëna e tij, kur ajo u kthye nga puna në shtëpi.

‘Ai është në shtrat tërësisht i gjakosur’ ka thënë gruaja e shokuar, duke kërkuar ndihmë nga fqinjët që më pas dhanë alarmin. Më pas ajo u dërgua në spital. Zyra e Prokurorit Publik Tuscia, e drejtuar nga Paolo Auriemma, urdhëroi ekzaminimin e autopsisë. Ndërkohë prokurorët kanë kërkuar që të vleftësohet arrestimi i Mirkos dhe marrja në pyetje duhet të bëhet në ditët në vijim. Karabinierët po punojnë ende për të rindërtuar atë që ndodhi në orët para epilogut dramatik.

Rendit zhvillimet sipas orarit:
Ora 20:27
Vrasja e 10-vjeçarit shqiptar nga i ati në Itali, dëshmia e fqinjës: Dëgjova babanë e tij që ulërinte

Zbardhet dëshmia e fqinjit në Itali, i cili ka treguar momente nga ngjarja tronditëse e vrasjes së 10-vjeçarit shqiptar në Itali nga babai i tij. Fqinj tregon se e ka dëgjuar Matiasin duke bërtitur në përpjekje për t’i shpëtuar nga duart e babait.

“Dëgjova fëmijën duke zbritur shkallët. Dhe babai i bërtiste ‘Matias, hajde këtu! Eja këtu!’. Iu afrova derës duke menduar ‘Nëse duhet ta lë të hyjë’. Pastaj heshtje. Matias ka qenë gjithmonë një fëmijë i bindur. Ai do të kthehet, imagjinova. Pas pak, ishte tashmë errët jashtë, dëgjoj përsëri të bërtitura. Mendova do të jetë ai pijaneci, burri që po rreh Mariolën. Kështu që unë njoftova 112” tregoi ai.

SI.E./Shqiptarja.com