Tirane- Federata Shqiptare e futbollit njofton zyrtarisht rinovimin e kontratës me trajneri brazilian të Kombëtares Sylvinho dhe dy ndihmësit e tij Zabaleta dhe Doriva.
Siç Report TV kishte mësuar më herët gjatë këtij muaji braziliani dhe FSHF kishin gjetur akordin mes tyre për të vazhduar bashkëpunimin por mëngjesin e kësaj të mërkure (24 korrik 2024) federate bëri edhe njoftimin zyrtar.
Silvinho së bashku me dy ndihmësit e tij argjentinasin Zabaleta dhe brazilianin Doriva kanë firmosur rinovimin deri në dhjetor të vitit 2025 pra deri në fund të fushatës kualifikuese për Botërorin e vitit 2026 dhe nëse Shqipëria kualifikohet logjika është që skuadrën do vijojë ta drejtojë braziliani.
FSHF është e kenaqur me punën e bërë deri tani nga 50 vjeçari kur thotë se: “Nën drejtimin e trajnerit Silvinjo, Kombëtarja shqiptare ka treguar progres dhe qëndrueshmëri të jashtëzakonshme. Shqipëria u kualifikua për herë të dytë në histori në një Kampionat Europian, ku tregoi performancë të denjë dhe bindëse në takimet kualifikuese si edhe u përballë denjësisht me kundërshtarë të nivelit të lartë në Euro 2024 ndaj Italisë, Kroacisë dhe Spanjës”.
Objektivi tjetër thotë FSHF tashmë është i qartë kualifikimi për herë të parë në histori i Shqipërisë në një Botëror që do të ishte ai i vitit 2026 e që zhvillohet në SHBA, Meksikë e Kanada.
Pas përfundimit të Euro 2024 ku Shqipëria e mbylli me një pikë në grupin e ferrit sfidat e radhës të kuqezinjve janë të Ligën e Kombeve. Aventura nis më 7 shtator ndaj Ukrainës e tre ditë më pas presim Gjeorgjinë në “Air Albania”.
Silvinjo është në drejtimin e Shqipërisë që prej janarit të vitit 2023 ku është ulur në pankinë në 16 ndeshje zyrtare e miqësore të marra së bashku dhe ka një bilanc prej 7 fitoresh , 4 barazime dhe 5 humbje.
16 janë ndeshjet që Sylvinho ka drejtuar ekipin kombëtar. Bilanci i brazilianit në stolin kuq e zi flet për 7 fitore, 4 barazime dhe 5 humbje. Nga sfidat e drejtuara deri më tani 11 kanë qenë zyrtare e 5 ndeshje miqësore
Braziliani Sylvinho ka debutuar me humbje në pankinën e Shqipërisë.
Në mars të vitit të kaluar në ndeshjen e parë të eliminatoreve të Euro 2024 Polonia mundi 1-0 Shqipërinë. Më pas do të vinin dy fitore radhazi në muajin qershor ndaj Moldavisë 2-0 dhe Ishujve Faroe 3-1 në transfertë. Për eliminatoret e Europianit në shtator të vitit të kaluar Kombëtarja barazoi 1-1 në transfertë ndaj Çekisë dhe pak ditë më pas mundi 2-0 në “Air Albania” Poloninë.
Rrugëtimi i kuqezinjve drejt Euro 2024 vijoi me një super fitore në tetor 2023 ndaj Çekisë 3-0 në Tiranë e po në këtë muaj Shqipëria mundi 2-0 në miqësore Bullgarinë. Dy ndeshjet e fundit të vitit të kaluar Shqipëria nën drejtimin e Sylvinhos i barazoi 1-1 ndaj Moldavisë në transfertë mjaftueshëm sa për të siguruar kualifikimin në Gjermani 2024 dhe barazim pa gola ndaj Ishujve Faroe në Tiranë.
Për këtë vit ekipi Kombëtar ka zhvilluar 7 ndeshje. 4 miqësore dhe tre sfidat e Euro 2024. Në mars Shqipëria u mund 3-0 nga Kili në
miqësoren e luajtur në Parma dhe u mund 1-0 nga Suedia.
Në fillim të qershorit në kuadër të përgatitjeve për Europianin në Hungari kuqezinjtë fituan dy ndeshje miqësore me Lihtenshtejnin dhe Azerbajxhanin ndërsa në Europian Shqipëria u mund nga Italia, barazoi me Kroacinë dhe u mund nga Spanja.
Lajme të tjera
-
FSHF arrin akordin me Andrea Tedescon, tekniku italian do të marrë drejtimin e Kombëtares U17
20 Korrik, 09:20 -
Euro 'Zvicër 2025'/ Shqipëria e vajzave përballet me Norvegjinë në raundin e parë play-off
19 Korrik, 13:35 -
UEFA Nations League/ Dalin në shitje biletat për ndeshjen e 10 shtatorit, Shqipëri - Gjeorgji
16 Korrik, 20:28 -
Armand Duka: Europiani më i fortë se Botërori, Shqipëria ka në ekip një fenomen
16 Korrik, 15:58 -
Kategoria e Parë/ Hidhet shorti për sezonin 2024-25, Kukësi - Erzeni në javën e parë
15 Korrik, 13:12 -
Kalendari i plotë/ Hidhet shorti i Superligës për edicionin 2024-25, në javën e parë spikat Partizani - Vllaznia! Ja kur luhen derbet mes Tiranës dhe Partizanit
15 Korrik, 12:16 -
Detaje të reja nga skandali seksual në kampin e Shqipërisë në Dortmund, 18-vjeçarja ishte në kontakt me 26-vjeçarin shqiptar
12 Korrik, 15:09 -
Superliga dhe Kategoria e Parë, FSHF zbardh datën kur mësohet kalendari i sezonit të ri
11 Korrik, 13:18 -
Akuzohet për përdhunimin e punonjëses 18-vjeçare në hotelin e Kombëtares në Gjermani, 26-vjeçari ishte pjesë e stafit të FSHF-së! Bild jep detajet: Shqiptari e futi me forcë në kuzhinë
9 Korrik, 17:39 -
Sezoni i ri i futbollit në vend/ Polemikat s'pijnë ujë, sezoni i ri i Superligës sërish me 'final-four'
9 Korrik, 15:52 -
Sylvinho zgjedh sërish Shqipërinë, braziliani për 'Report TV': Kemi një marrëveshje! Zyrtarizimi pritet sot ose nesër
9 Korrik, 14:24
-
Nga sot Kombëtarja zyrtarisht pa trajner, Sylvinho vijon me pushime në Portugali
9 Korrik, 13:23
