POP 5

Lajmet më të lexuara të 5 minutave të fundit

Sport

E mohoi, Mancini pranë zyrtarizimit te Arabia Saudite! Për italianin ndërhyn edhe familja mbretërore, pagë faraonike

Pa u mbushur ende dy javë nga largimi prej kombëtares së Italisë Roberto Mancini është afër zyrtarizimit te Arabia Saudite.

Roberto Mancini pritet të jetë shumë shpejt trajneri i kombëtares së Arabisë Saudite pavarësisht se më herët e kishte mohuar të ketë patur kontakte. ‘Gazzetta dello Sport, që citon burime nga Arabia Saudite, thotë se ish-trajneri i Italisë ka negociuar që në qershor për të drejtuar kombëtaren e Lindjes së Mesme dhe se dorëheqja nga përfaqësuesja e Italisë nuk ishte e rastësishme.

Madje ajo u shoqërua me polemika të forta, pasi fillimisht Mancini akuzoi presidentin e federatës italiane Gabriele Gavrina si fajtor. Sipas Mancinit, Gavrina kishte ndërhyrë në punët e tij si trajner, madje duke shkuar deri aty sa t’i ndërronte edhe stafin. Vetëm një ditë më parë Gavrina u përgjigj, duke thënë se ‘është ndjerë shumë keq nga fjalët e Mancinit, pasi kishin një marrëdhenie të mirë pune dhe miqësie’. Ndër të tjera Gavrina mohon të ketë ndërhyrë në punët e tij.

Gjithsesi tani jemi pranë faktit se Roberto Mancini shumë shpejt mund të zyrtarizohet si trajner i Arabisë Saudite. Ai do nënshkruajë një kontratë 3-vjeçare që i mundëson një pagë nga 25-30 mln euro në sezon. Për të marrë trajnerin nga kombëtarja e Italisë kanë ndërhyrë edhe emisarë të familjes mbretërore.

Projekti është një përfaqësim sa më dinjitoz në Botërorin e 2026 në Amerikë, Meksikë dhe Kanada, ndërsa në janar Mancin-i do ketë provën e parë në Kupën e Azisë ku bën pjesë në një grup me Tajlandën, Kirgistanin dhe Omanin.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22