E refuzoi, Gjinushi mesazh Presidentit: Ilir, leri lojërat...kam dy fjalë

Skënder Gjinushi u shpreh se marrëdhëniet me Ilir Metën kanë qenë korrekte nga vitet '90 dhe deri në ditët e sotme. Kryetar i zgjedhur i ASH-së, por që u rrëzua nga Presidenti, kishte një mesazh drejtuar Ilir Metës.

"Cështje personale? Sesa e ka personale apo politiko-personale e di ai që e ka marrë. Por nuk mendoja që për cdo lloj motivi të arrite që të deformonte në këtë shkallë rolin e presidentit. Njeriu mund të mos ta ketë ligjshmërinë, mund të jetë mësuar me pragmatismzat dhe kulisat partiake, por kur merr një funksion duhet të dijë rëndësinë. Të abuzosh apo të tregosh papërgjegjshmëri me një kompetencë të tillë është serioze për gjendjen e atij që deformon në këtë masë shtetin ligjor.

Kemi kaluar shumë ulje ngritje, por unë cfarë kam pasur me Ilirin, vetëm gjëra ballas, por nuk kam marrë pjesë në asnjë lloj loje, prapaskene dhe asnjë veprimi kundër tij. Në zanafillë kemi qenë nga dy udhëtarët e PSD-së apo PS-së në internacionalen socialiste, atje krijuam edhe konfidencat tona. Por ia them mos ngatërro akademinë me lojarët e politikës. Nuk mund të vendosë ai në diskutim personalitetin dhe ndershmërinë time" tha ai.

Lajmi kryesor:

E rrëzoi se drejtonte PSD-në/ Gjinushi-Metës: Ti ishe kryetar i LSI-së kur u zgjodhe President, Akademia do të ribëjë kërkesën për emërim

/r.k./Shqiptarja.com

TAG:
• repolitix
• akademia e shkencave
• skender gjinushi