E rëndë, e mbajti peng, e torturoi dhe e përdhunoi për 12 ditë, e reja i shpëton ‘makthit’ të përjetuar në apartamentin e 29-vjeçarit në Greqi

Foto ilustruese

GREQI- Një ngjarje e rëndë ka tronditur vendin fqinj, Greqinë, pasi një vajzë e re është torturuar, është mbajtur peng dhe është përdhunuar për 12 ditë, në një apartament në Halkida.

Ishte viktima e kësaj historie, 26-vjeçarja me origjinë nga Lituania ajo që i tregoi policisë orët e tmerrit që ka përjetuar në apartamentin e 29-vjeçarit bullgar.

Dy të rinjtë, janë njohur përmes rrjeteve sociale derisa vendosën të krijojnë një mundësi për t’u takuar nga afër në tokën greke. 26-vjeçarja udhëtoi nga Lituania, për të arritur më datën 3 shtator në Greqi, në vendin ku do të takonte nga afër njeriun që “kishte njohur” në internet. Ajo nuk e dinte që momenti ku do të vinte për ta marrë në aeroport 29-vjexçari bullgar, do të ishte fillimi i një makthi me sy hapur, i cili do të zgjaste deri më 16 shtator.

Ajo përshkroi me detaje drithëruese për policinë ditët e saj në apartament e kyçur, disa ditë më parë, kur gjeti mundësinë t’i telefononte autoriteteve. Kjo ndodhi pikërisht atë ditë, pasi 29-vjeçari u largua nga shtëpia.

Menjëherë, policia ka mbërritur në vendngjarje, ndërsa në kërkim ende është autori.

J.GJ./Shqiptarja.com
  • Sondazhi i ditës:

    Ngjarjet në Fier e Fushë Krujë, a jeni të shqetësuar nga situata e rendit dhe sigurisë publike?

Komento


×

Lajmi i fundit

John

Heroina e kapur në Portin e Durrësit kishte mbishkrimin banane, e ndarë për tre persona të ndryshëm