Azbi Kaba, një shqiptar nga Peshkopia, i cili vuante nga kanceri, u la të vdiste në burg në Idrizov të Maqedonisë së Veriut, pa asnjë ndihmë. Ngjarja e rëndë u bë me dije për Report Tv nga burime brenda burgut në Idrizov, sipas të cilëve 47 vjeçari Kaba ishte diagnostikuar prej 5 muajsh me kancer, e pavarësisht kësaj nuk ishte shtruar në spital, e nuk iu dha asnjë mjekim e asnjë ndihmë. Ai vdiq në qeli pak pas mesnate.
"Në vizitën e parë dhe të fundit që kishte bërë në spital, mjekët i kishin dhënë Kabës vetëm 2 muaj jetë, e megjithatë autoritetet e lanë atë të vdiste në qeli, ku e të vetmen ndihmë e merrte nga shokët e tij në burg", thonë burime.
Pavarësisht gjendjes në të cilën ndodhej 47-vjeçari dhe trajtimit që i bëhej në burg, asnjë përfaqësues nga Ambasada Shqiptare në Shkup nuk e vizitoi atë.
Në burg nuk kishte mjekë, ndërsa Kabës nuk iu dhanë as edhe një qetësues për t'i lehtësuar dhimbjet. Ai ishte i dënuar me 7 vite burg pasi ishte kapur me drogë, ndërsa i kishin mbetur për të shlyer edhe 4 vite. Në një prononcim për Report Tv, zv.ministri i Drejtësisë në Maqedoni të Veriut thotë se kanë nisur verifikimet për rastin.
Ndërkohë, të burgosur të tjerë shqiptarë në këtë burg të Maqedonisë vuajnë dënimet të braktisur totalisht nga autoritetet shqiptare. Qelitë janë të mbipopulluara dhe të burgosurit pa të drejtat elementare.
Zv.drejtori i burgut në Idrizov në Maqedoni të Veriut, Femi Jonuzi, ku humbi jetën i burgosuri shqiptar Azbi Kaba, në një lidhje për Report Tv tha se atij i ishte dhënë ndihma mjekësore. Sipa Jonuzit, shqiptari ishte dërguar disa herë në spital dhe çdo ditë i jepej ndihmë, ndërsa theksoi se i ishte dërguar edhe kërkesë gjykatës për ta liruar, por vendimi u kundërshtua nga prokuroria.
"Jemi munduar, e kemi njoftuar gjykatën që t'i ndërpritej dënimi dhe Gjykata solli vendimin, por u ankua prokurori dhe ende nuk kemi përgjigje. Është dërguar në spital, me udhëzim të mjekut të burgut dhe çdo ditë i është dhënë ndihma e shpejtë për t'i bërë trajtim. Edhe dje ka qenë në spital dhe pasi e kanë sjellë në burg, rreth mesnatës ka ndërruar jetë. E kemi dërguar në spital me dhjetëra herë për mjekim. Ishte dënuar me 7 vite. Kushtet në burg janë të njëjta si për të gjithë të burgosurit në këtë burg. Ne i bëmë përpjekjet që ai të lirohej dhe Gjykata e dha vendimin për ndërprerjen e dënimit, por pas ankesës së prokurorisë, nuk na erdhi më përgjigje dhe nuk u lirua. Kemi komunikuar edhe me konsullin shqiptar, e kemi vizituar", tha ai.
Pretendimet e zv.drejtorit të burgut i kundërshtojnë të burgosur në Idrizov, të cilët shkruajnë në 'Report Tv' se 47-vjeçarit nuk i është dhënë asnjë ndihmë mjekësore. Sipas tyre, është e vërtet që ishte bërë kërkesë për lirimin nga qelia të Azbi Kabës, por se atij i mungonte kujdesi mjekësor dhe nuk ishte dërguar në spital.
Lagështirë, myk dhe mbipopullim, në këto kushte vuajnë dënimin të burgosurit shqiptarë në burgun në Idrizov të Maqedonisë së Veriut. Në redaksinë e Report Tv kanë mbërritur pamje nga qelitë e burgut, ndërsa burime bëjnë me dije se në një qeli me kapacitet për 4 persona, aktualisht jetojnë 9 persona.
Report TV është interesuar për të mësuar më shumë detaje në lidhje me ngjarjen e rëndë të ndodhur në burgun në Idrizov të Maqedonisë së Veriut, ku i burgosuri shqiptar, Azbi Kaba, i cili vuante nga kanceri u la të vdiste pa i dhënë asnjë mjekim e asnjë ndihmë. Në një komunikim me zv.ministrin e Drejtësisë në Maqedoninë e Veriut, Agim Nuhiun, bëhet me dije se kanë nisur verifikimet në burgun në Idrizov, për të zbardhur ngjarjen e rëndë.
Lajme të tjera
-
Shkup, Gjykata i cakton masën e paraburgimit ish-zv/kryeministrit Artan Grubi
17 Dhjetor, 17:39 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Katër të arrestuar në rajonin e Strugës dhe të Gostivarit, të dyshuar për veprimtari terroriste
16 Dhjetor, 17:48 -
Policia maqedonase bastis shtëpitë e Artan Grubit dhe Përparim Bajramit
16 Dhjetor, 11:09 -
'S’jam politikan i salloneve dhe biskotave', Ali Ahmeti: Nuk lejoj të preket ligji për gjuhën shqipe
13 Dhjetor, 10:34 -
Siria pas rrëzimit të Assad/ Elezi për Report Tv: Vendi kontrollohet nga 3 grupe, mes tyre të paktën 60 shqiptarë nga Kosova! Shqiptari nga RMV, Avdyl Jashari, post kyç në Frontin për Çlirimin e Sirisë
12 Dhjetor, 15:55 -
Frrok Çupi: S’kemi edhe aq të drejtë për mburrje nacionale
12 Dhjetor, 15:37
-
Gazetarja: Si torturoheshin dhe groposeshin të gjallë të burgosurit në regjimin e Assad në Siri
12 Dhjetor, 14:54 -
Çfarë duhet të dini për Ligjin e Gjuhëve në Maqedoninë e Veriut: Çfarë kontestohet, nga kush dhe pse është shqipja në rrezik?
12 Dhjetor, 11:33 -
U shpall 'non grata' si Berisha, por ndryshe nga ai, Artan Grubi tërhiqet nga politika: I nevojshëm për të ruajtur integritetin! Kam njoftuar Ali Ahmetin
12 Dhjetor, 10:12 -
Lëkundje tërmeti janë ndjerë orët e para të mëngjesit në Kosovë! Epiqendra ishte në Prizren
12 Dhjetor, 09:55 -
RMV/ Kërkohet t'i hiqet statusi i veçantë gjuhës shqipe, nënkryetari i BDI për Report Tv: Do protestojmë pa ndalim! Betejë e fituar, po rreziku ekziston! Haklaj: E sponsorizuar nga Rusia
11 Dhjetor, 19:05
