Aventura e 2 të rinjve nga Tirana ka përfunduar në tragjedi në llixhat e Elbasanit, ku ka humbur jetën 34-vjeçari i identifikuar si Alban Pashollari teksa lahej në ujërat termalë. Shoku i cili e shoqëronte deklaroi në polici se kishin konsumuar birra para se të hynin në mënyrë klandestine në vaskën e një hoteli gjatë mbrëmjes të së enjtes, rreth orës 22:00. Autoritetet njoftuan se shkak i vdekjes është arresti kardiak.
Ai u gjend në vaskën e një hoteli në gjendje të rëndë, pa ndjenja nga shoku me të cilin kishte udhëtuar nga Tirana drejt llixhave. Siç shihet në pamje, pranë ndodhen kanaçet e birrave.
“Hëngrëm darkë në Tiranë dhe u nisëm për në llixhat e Elbasanit. Shkova të thërras Albanin e shoh në gjendje gjumi. Tentova t’i jepja ndihmën e shpejtë dhe më pas erdhi ambulanca", tha miku i tij, Etjen Brahimaj në cilësinë e dëshmitarit.
Edhe klientët e hotelit kanë dëgjuar zhurmat e të bërtiturave nga i riu që kërkon ndihmë për shokun e tij. Ata thanë se kishin frikë t'i afroheshin, por njoftuan shërbimet e emergjencës. Njëra prej klienteve u shpreh se dëgjoi Etjen Brahimaj që rrëfente se kishin pirë 3-4 birra para se të ndodhte tragjedia.
“Dëgjuam të bërtiturën dhe dolëm të shihnim. Unë propozova që të mos afrohen se nuk guxon ta prekësh të vdekurin se të zë sherri pa ardhur mjeku e ndihma e shpejtë. Telefonuam ndihmën e shpejtë, erdhëen mjekët, konstatuan vdekjen dhe e morën. E dëgjova shokun që qante për ta ndihmuar. Ata kishin qenë bashkë, njëri e ka mbushur vaskën me ujë të nxehtë. Ne e kemi parë se ku ka qenë. E ka hequr vetë shoku nga vaska dhe e ka lënë jashtë. Ndoshta ka dashur t’i japë ndihmën e shpejtë por nuk ka ditur. Gjatë mëngjesit erdhi mjeku që na kontrolloi të gjithëve. Duhet t'i përmbahemi rregullave. Banja sa është e mirë, është e rrezikshme”, tha një klient i hotelit.
"Dëgjuam britmat. Bërtiste ai ndihmë, ishte shumë herët. Atje nuk dukej asgjë. Të tjerët kishin frikë të shkojnë se mbeten shenjat e duarve. Thirrëm ndihmën e shpejtë, policinë. Mbrëmë u shqetësuam. Ata kishin ardhur vonë, askush nuk i pa. Nuk ishin klientë, kishin pirë, vetë thanë, nuk kemi pirë shumë, nja 4-5 birra", tha një tjetër kliente e hotelit.
Burimet policore bënë të ditur se dy të rinjtë nga Tirana, parkuan automjetin pranë hotelit rreth orës 220:00 dhe duke qenë sporteli i mbyllur qëndruan në lulishte dhe u lanë në vaskën me ujëra termalë. Alban Pashollari pësoi arrest kardiak dhe ndërroi jetë rrugës për në spitalin e Elbasanit.
Viktima Alban Pashollari
Klientët që ndodheshin në hotelin në Elbasan kanë rrëfyer detaje nga tragjedia në llixha, ku humbi jetën 34-vjeçari Alban Pashollari. Një prej dëshmitarëve thotë se dëgjuan të bërtiturat e shokut të tij dhe njoftuan menjëherë ambualncën.
“Dëgjuam të bërtiturën dhe dolëm të shihnim. Unë propozova që të mos afrohen se nuk guxon ta prekësh të vdekurin se të zë sherri pa ardhur mjeku e ndihma e shpejtë. Telefonuam ndihmën e shpejtë, erdhëen mjekët, konstatuan vdekjen dhe e morën. E dëgjova shokun që qante për ta ndihmuar. Ata kishin qenë bashkë, njëri e ka mbushur vaskën me ujë të nxehtë. Ne e kemi parë se ku ka qenë. E ka hequr vetë shoku nga vaska dhe e ka lënë jashtë. Ndoshta ka dashur t’i japë ndihmën e shpejtë por nuk ka ditur. Gjatë mëngjesit erdhi mjeku që na kontrolloi të gjithëve. Duhet t'i përmbahemi rregullave. Banja sa është e mirë, është e rrezikshme”, tha dëshmitari.
Një tjetër kliente e hotelit u shpreh se kishte dëgjuar nga shoku i viktimës se kishin pirë 4-5 birra para se të ndodhte tragjedia.
"Dëgjuam britmat. Bërtiste ai ndihmë, ishte shumë herët. Atje nuk dukej asgjë. Të tjerët kishin frikë të shkojnë se mbeten shenjat e duarve. Thirrëm ndihmën e shpejtë, policinë. Mbrëmë u shqetësuam. Ata kishin ardhur vonë, askush nuk i pa. Nuk ishin klientë, kishin pirë, vetë thanë, nuk kemi pirë shumë, nja 4-5 birra", tha një tjetër kliente e hotelit.
Alban Pashollari është 34-vjeçari që ndërroi jetë në llixhat e Elbasanit, ku ishte bashkë me shokun e tij. Ngjarja e rëndë ndodhi mbrëmjen e djeshme pasi 2 shokët nga Tirana hëngrën darkë bashkë, morën birra dhe shkuan në ujërat termalë të Elbasanit. Dyshohet se shkak i vdekjes ishte arresti kardiak.
“Hëngrëm darkë në Tiranë dhe u nisëm për në llixhat e Elbasanit”, kështu deklaroi para grupit hetues shoku që po shoqëronte 34-vjecarin, i cili ndërroi jetë teksa qëndronte në ujërat termalë.
Gjithashtu shtoi se rrugës morën birrë dhe hynë në ambientet e hotelit, ku filluan të laheshin.
“Shkova për të thërritur Albanin, e shoh në gjendje gjumi. Aty më kap paniku dhe filloj të bërtas. Tentova t’i jepja ndihmën e shpejtë, ndërkohë që u njoftua dhe ambulanca”, tha i riu.
Komente
Lajme të tjera
-
I dënuar me 3 vite burg për armëmbajtje pa leje, arrestohet 35-vjeçari në Elbasan! Në kërkim edhe për dhunë në familje
25 Prill, 11:11 -
Trupi i pajetë i 58 vjeçarit gjendet në ujrat e rezervuarit të Prrenjasit, familjarët kallëzuan në polici në 1 të natës
25 Prill, 11:07 -
Në kërkim për vrasje, ekstradohet nga Mbretëria e Bashkuar 34-vjeçari
25 Prill, 09:53 -
Morën para për të favorizuar një ndërtim pa leje, shpallen në kërkim kryeinspektori e inspektori i IMT Elbasan (Emrat)
23 Prill, 20:16 -
Përplasi për vdekje këmbësorin, arrestohet 65-vjeçari në Elbasan! Ishte dënuar në me 2 vite e 6 muaj burg
23 Prill, 10:24 -
Parakalime të gabuara, ndëshkohen me gjoba tre shoferë në Elbasan (Video)
21 Prill, 18:25 -
I shpallur në kërkim për grabitjen e kryer në 2016, arrestohet 42-vjeçari në Elbasan
21 Prill, 15:14 -
Ujëvara e Sotirës destinacioni i pranverës, turistja: E mrekullueshme! Kryebashkiaku i Gramshit: Së shpejti nis asfaltimi i rrugës
20 Prill, 15:44
-
Elbasan, po rregullonte dritat e qytetit, punëtori rrëzohet nga vinçi e vdes, hetohet drejtori i bashkisë, në kërkim përgjegjësi
20 Prill, 09:24 -
Po riparonte shtyllat e ndriçimit në Elbasan, punëtori i bashkisë rrëzohet nga vinçi, humb jetën në spital
19 Prill, 16:51 -
Ekspertiza konfirmon përdhunimin e 31-vjeçarit me probleme mendore në Elbasan! 44-vjeçari lihet në burg! Tjetri arrest shtëpie
19 Prill, 12:36 -
I dehur përplasi familjen në Prrenjas ku për pasojë vdiq 24-vjeçarja, arrest në burg Jetmir Dacit
17 Prill, 12:23
Pine 4-5 birra dhe pastaj futen ne ujerat termale! Eshte njelloj si te pish alkool e te dalesh ne Diell ne pike te vapes,arresti kardiak eshte vetem pasoja.Me bene pershtypje justifikimet e klienteve te hotelit,njeri,s'donte te linte gjurme gishtash,tjetri kishte frike per ndonje sherr e njekohesisht mendon se shoku i viktimes nuk dinte te jepte ndihme!Po sikur te behej fjale per djegie,dredhje,frakture,mbytje,apo hemoragji te rende e te shpejte,nuk do te ndihmonin keta frikacake e indiferente?! Ai mund te ishte dhe pa ndjenja dhe nje CPR mund t'i kishte shpetuar jeten dhe mund te ishin fituar minuta te cmueshme.Shoku i tij ishte i tronditur dhe ne panik e megjithate e nxorri nga uji,kurse keta u mjaftuan vetem me nje telefonate urgjences dhe rrinin duarkryq ndersa ambulanca perpiqej te cante ne trafik!!
PërgjigjuTe lumte!