LEZHË- Reshjet e shiut të rëna gjatë pasdites së djeshme kanë përmbytur varrezat e fshatit Markatomaj në Lezhë. Shkak i kësaj situate është bërë vërshimi i ujërave të përroit që ndodhet pranë varrezave dhe rrugës nacionale Lezhe-Milot.
Për kreun e Bashkisë së Lezhës, Pjerin Ndreu, përmbytja ka ardhur si pasojë e papërgjegjshmërisë së qytetarëve të cilët kanë hapur varre pranë zonave ku kanë bllokuar lëvizjen e ujit. Në intervistën për Report Tv, Ndreu tha se bashkia ka ndërhyrë menjëherë dhe ka gati një plan afatgjatë për të shmangur përsëritjen e një situate të tillë, edhe pse tha se është një çështje sensitive që nuk mund të zgjidhet menjëherë.
Ai i ka kthyer përgjigje edhe PD-së, të cilët e cilësuan si një turp, duke thënë se kjo gjë do të ndryshojë në 25 prill. Një deklaratë të tillë, Ndreu tha se është vetëm për politikë, duke theksuar se puna është bërë.
Për kreun e Bashkisë së Lezhës, Pjerin Ndreu, përmbytja në varrezat e Lezhës kanë ardhur si pasojë e papërgjegjshmërisë së qytetarëve të cilët kanë hapur varre pranë zonave ku kanë bllokuar lëvizjen e uji. Në intervistën për Report Tv, Ndreu tha se bashkia ka ndërhyrë menjëherë.
“Bashkia ka ndërhyrë menjëherë për rastin dhe ka neutralizuar situatën. është e pazakontë, ka ardhur për arsye të ndërtimit të barreve në zona ku bllokojnë lëvizjen e ujit. Kjo është pasojë e papërgjegjshmërish dikur që ka vendosur varrin që ka penguar lëvizjen e ujit, po hartojnë një projekt për ndërhyrje njëherë e mirë. Nuk është një ngjarje që na ka ndodhur shpesh, por dje ka pasur një rrebesh të jashtëzakonshëm dhe si duket ajo papërgjegjshmëri e dikujt ka dhënë pasojat e veta. Kemi ndërhyrë menjëherë, sepse duhet thënë, Bashkia ka qenë aty. Ne e kemi vlerësuar shkakun, për arsyen që ka ardhur dhe kemi nxjerrë këtë konkluzion dhe duhet marrë masat, këto janë çështje sensitive, por ne do të bëjmë punën tonë dhe do bëjmë të mundur që të mos kemi probleme të tjera”, tha Ndreu.
Ai i ka kthyer përgjigje edhe PD-së, sipas së cilëve nuk bëjnë gjë tjetër veçse politik.
“Gjejnë një situatë kalimtare që vjen për shkak të papërgjegjshmëri dhe ia faturojnë bashkisë, por të mos ishim ne varrezat do të ishin të përmbytura, ato bëjnë politikë dhe nuk na mbetet gjë tjetër veçse punë të mbarë në bërjen e politikës kuturu”, tha Ndreu.
Duke u ndalur në një prizëm më të gjerë sa i përket përmbytjeve në Lezhë, ai tha se problemi është në Torovicë, por shtoi se sitiuata është shumë herë më ë mirë se më parë, për shkak të punës së bërë nga Bashkia.
"Në Torovicë kemi rreth 300-400 hektarë që janë nën ujë, ne po presim që të neutralizohet sasia e reshjeve, ndërsa në zona të tjera nuk ka problem të përmbytjeve, por Lezha është në risk, pasojat në Lezhë kanë qenë më të vogla për shkak të ndërhyrjeve. Bashkia ka ndërhyrë, 100 km kanale, nga të cilat 47 në Zadrimë, ka qenë një investim që e ka zbutur mundësinë e përmbytjeve masive, plus që kemi ndërhyrë në kohë të shpejtë bllokimin e argjinaturave të Gjadrit, Bashkia ka qenë shumë aktive për të vlerësuar gjithçka përbënte rrezik, janë hapur shumë kanale”, tha Ndreu.
Ish-deputetja e PD-së, Lindita Metaliaj ka kërkuar ndërhyrjen menjëhershme te varrezat në Lezhë të cilat janë përmbytur nga uji. Ajo e ka cilësuar si të turpshme për pushtetin vendor këtë situatë.
“Varrezat në Markatomaj të Lezhës dje pasdite ishin nën pushtetin e ujit! Banorët e zonës të irrituar nga kjo gjendje e pajustifikueshme kërkojnë ndërhyrje të menjëhershme në sistemimin e ujërave me rrjedhje malore. Pushteti vendor në mënyrë urgjente të marre të gjitha masat për sistemimin dhe përmirësimin e situatës! Është më e pakta që mund të bëhet !
Respekti ndaj të vdekurve dhe banesave të tyre të fundit është detyrim për pushtetin vendor! (Pamjet janë filmuar dje pasdite rreth orës 15:00) Turp ! Mjaft më, lezhjanët janë lodhur me propagandën boshe të punëmbaruarve të bashkisë Lezhë! Koha për ndryshim”, shkruan ish- deputetja.
Komente
Lajme të tjera
-
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Apeli e dënoi për tjetërsimin e tokës te Rana e Hedhun, arratiset ish-kreu i Bashkisë së Lezhës, Fran Frrokaj! Nuk gjendet në banesë
25 Dhjetor, 13:02
-
Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’
25 Dhjetor, 09:47 -
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31
Po ti ske faj te kane dale duarsh qytetaret or kryetar. Po normale ti nje cope polici ke qene e si polic do arsyetosh kokrra e malokut
Përgjigju