E shkuara kriminale e familjes së vrasësit të policit në Fier! Babai u dënua me 20 vite për vrasjen e kunatit, 2 vëllezërit e tij ende në burg

 

Autori Azgan Mërnica dhe polici i vrarë Novruz Canalia

RENEA dhe Policia e Fierit po vijojnë me kërkimet për kapjen e autorit të vrasjes së policit në Fier. Dyshimet janë se ai është fshehur në Apoloni dhe se nuk ka dalë nga Fieri. Kështu kontrollet janë përqendruar në këtë zonë, ndërsa po ushtrohen kontrolle edhe nëpër banesa.

Armën e krimit në momentin e largimit nga vendi i ngjarjes 23-vjeçari Azgan Mërnica e ka marrë me vete dhe dyshohet se është i armatosur.

Report Tv mëson edhe detaje nga e shkuara kriminale e familjes së autorit. Babai i tij, Petrit Mërnica ka bërë 20 vite burg për vrasjen e kunatit.

Ndërkohë, një prej vëllezërve është në burg për tentativë vrasje. Vëllai Kiri Mërnica bashkë me 3 të tjerë më 17 prill 2021 u përfshi në një konflikt ku mbeti i plagosur Pashk Palnikaj.

Po ashtu, Kiri Mërnica akuzohet si i përfshirë në një ngjarje të ndodhur në 2019-ën, ku u vra me armë zjarri Florian Selimi, me origjinë nga Tropoja dhe banues në fshatin Sulaj. I riu, Novruz Cenalia sipas burimeve nga mediat, kishte vetëm një muaj që ishte martuar, ndërsa sot ndërroi jetë.

Ndërkohë edhe vëllai tjetër i 23-vjeçarit është i në burg në Gjermani.

Lajmi kryesor:

Vrasja e policit në Fier, autori ende në arrati! Kontrollet shtrihen edhe në Gjirokastër e Tepelenë! E shkuara kriminale e familjes Mërnica, babai u dënua me 20 vite, 2 vëllezër në burg

SI.E./E.B/Shqiptarja.com

TAG:
• vrasja e policit ne fier