E takoi në paraburgim në Holandë, si u zbulua lidhja e Behar Bajrit me miken ‘infermiere’

TIRANE-Report Tv zbardh detaje të reja nga dosja e grupit 'Bajri' për të cilën u dhanë dje 10 masa të reja arresti ku 5 prej personave të akuzuar, me në krye kreun e grupit ndodhen në qeli për vepra të tjera penale. “Arrest me burg” u caktua për Behar Brajoviç, i njohur edhe me mbiemrin Bajri, Safet Rustemi, Ilir Rustemi, Asmer Bilali, Ismet Idrizi dhe Jorida Murati, kjo e fundit e arrestuar mëngjesin e së enjtes.

Po e njëjta masë sigurie është caktuar në mungesë edhe për Sirjan Alijan, tashmë i shpallur në kërkim. Por si u zbulua lidhja e Behar Brajoviçit me Jorida Muratin? 32-vjeçarja, mike e Behar Brajoviç (Bajri) është zbuluar pasi ka shkuar disa herë për ta takuar në Holandë ku ishte në burg për shkak të marrëdhënies që kishin.

Ndërkohë që nga përgjimet është zbuluar se Bajri nëpërmjet personave të tjerë ushtronte presion dhe i kanoste që të fusnin në punë Muratin infermiere në spitalin e Shkodrës. Pas kontrollit që policia ushtroi në banesën e Jorida Muratit, policia gjeti dhe sekuestroi një shumë prej 9 mijë eurosh.

Ndërkohë, dyshimet e prokurorisë janë se ky grup kriminal ka ushtruar ndikim të paligjshëm edhe pranë OSHEE-së në qytetin e Shkodrës, raste të cilat po verifikohen nga organi i akuzës (lexo ketu).

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ana: 22/11/2019 17:35

    Vereni dhe fjalen mike ne thonjeza "mike"

    Përgjigju
  • Sondazhi i ditës:

    A duhet të ndalohen filmat shqiptarë të prodhuar gjatë periudhës komuniste?



×

Lajmi i fundit

John

Zvicra vendos masa të reja për të hyrë në vend, MEPJ: Duhet test edhe për ato që janë vaksinuar apo shëruar nga COVID