POP 5

Lajmet më të lexuara të 5 minutave të fundit

‘E të tjera, e të tjera’, botohet e plotë poema satirike që Teodor Keko shkroi në ’97-ën, bashkëshortja : Në plan, vepra e zgjedhur e publicistika e plotë

Botohet e plotë dhe me pjesën e dytë, poema satirike e Teodor Kekos e shkruar në 1997-ën, ‘E të tjera, e të tjera’. Shkrimtar e politikan, 20 vjet pas ndarjes nga jeta, bashkëshortja e tij Xhuli thotë se kërkon të sjellë për publikun, një kolanë me vepra të zgjedhura si dhe publicistikën e plotë.

Në oborrin e Ministrisë së Kulturës, ku mbledh krijimtaria e Teodor Kekos, Xhuli nënshkruan në vend të tij... Shkrimtari mungon prej 20 vitesh, por sapo është botuar e plotë, poema e tij satirike “E të tjera, e të tjera” me parathënie nga Dritëro Agolli. 

“Është hera e parë që poema po botohet në formën e saj integrale, sepse për herë të parë Dori ka botuar pjesën e parë të poemës në vitin 1997. Pjesën e dytë e la të hapur sepse kishte shumë dëshirë që të gjithë miqtë e tij të kontribuonin”, thotë Xhuli Keko, bashkëshortja e tij.

25 vite pas, poema, bashkë me pjesën e dytë të pabotuar, që Keko shkroi në vjeshtën e vitit 1997, shkon e plotë tek publiku, edhe për të dhënë perceptimin e shkrimtarit për atë ç’ka po ndodhte në këtë vit të kobshëm.

“Poema ka marrë spunto nga poezia ‘Diskotekë Albania ‘94”, që është botuar në librin “Unë të kam dashur, por...” Të gjithë miqtë e pëlqyen, ishte koha që ne po gëzonim fajdet. Shqiptarët po gëzoheshin me mashtrimin e fajdeve dhe Dori që në atë moment e parashikoi se çdo të ndodhte”, thotë më tej.

Përmes këtij botimi vjen edhe një pjesë e jetës së Kekos si deputet, ku në radhët e parlamentit, jetësonte momente e portrete në grafika.

“E bukura e këtij botimi është që ne po kujtojmë një pjesëz. Një copë të historisë sonë”, thotë Margariti.

Publicistika e Dorit, siç rrëfen bashkëshortja pritet të botohet e plotë, ndërkaq mbetet ende nga shkëmbimet e tyre të letrave për tu zbuluar.

“Të tjera dorëshkrime nuk ka. Unë bashkë me Ilirin, vëllain e Dorit, kemi grumbulluar të gjithë publicistikën e Dorit dhe po mendojmë që ta botojmë. Është libri që unë po shkruaj me letra që ia dërgoj Dorit, Dhe kam disa letra që mi ka dërguar Dori dhe si kam publikuar asnjëherë. Dhe kolana me vepra të përzgjedhura është projekti im final”

Pas përkthimit në Holandë e Amerikë, Dori pritet ti shkojë edhe lexuesit francez përmes librit “Lajmëtarja e vdekjeve”.  

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13