POP 5

Lajmet më të lexuara të 5 minutave të fundit

Politikë

E vërteta e shifrave/ Foltorja e Berishës vetëm 37 mijë vota më shumë sesa PD-ja e Bashës! A duhet që Rithemelimi të lirojë selinë?

Vota politike në zgjedhjet e 14 majit. Foltorja e Berishës dhe PD-ja e Bashës peshë afërsisht të barabartë në elektorat nëse koalicionit të Bashkë Fitojmë i heqimin votat e LSI-së në zgjedhjet e fundit politike

Krahas alibisë për humbjen shkatërrimtare, Sali Berisha dhe rrethi i tij kanë shpallur një triumf mbi Partinë Demokratike zyrtare, që në zgjedhjet e 14 majit 2023, drejtohej nga Enkelejd Alibeaj. Sipas Berishës dhe analistëve pranë tij, zgjedhjet treguan se PD-ja reale ishte Rithemelimi apo Foltorja, ndërsa PD-ja zyrtare e Lulzim Bashës si e shitur, e blerë, si PD-ja e vulës dhe si lojë e pushtetit. Por shifrat flasin për një realitet tjetër.

Nëse i referohemi votës për partitë politike, nga e cila bëhet edhe ndarja e mandateve për këshilltarë, PD-ja zyrtare e Lulzim Bashës ka marrë 103 217 vota, përthyer në 124 mandate këshilltarësh. Ndërkaq, koalicioni i Sali Berishës dhe Ilir Metës, Foltorja dhe Partia e Lirisë, ka marrë 246 533 vota, përthyer në 292 mandate këshilltarësh, duke humbur 480 000 vota krahasuar me totalin e votave që ndaras PD (622 000 vota) dhe LSI (107 000 vota) morën në 2021 në zgjedhjet politike.

Por rreth 247 mijë vota nuk mund të llogariten për Foltoren e Sali Berishës, pasi Berisha garoi në një koalicion me Partinë e Lirisë së Ilir Metës. Në zgjedhjet e fundit politike, LSI-ja e Ilir Metës, me emër të ndryshuar në Partia e Lirisë, Ka marrë 107 mijë vota. Nëse këto vota të LSI-së, ia zbresim votave të koalicionit Bashkë Fitojmë, Foltorja e Berishës rezulton me 140 mijë vota politike në zgjedhjet e 14 majit 2023.

Praktikisht, diferenca mes Foltores së Berishës dhe PD-së zyrtare në zgjedhjet e 14 majit 2023, është vetëm 37 mijë vota, duke llogaritur peshën e Partisë së Lirisë sikur ka ruajtur rezultatin e 2021, ndonëse pretendimet e Metës e tejkalojnë këtë shifër. Në zgjedhjet e 2015, LSI-ja ka marrë 260 mijë vota politike, 13 mijë vota më shumë se sa Meta dhe Berisha bashkë në zgjedhjet e 14 majit 2023.

Por duke marrë si të mirëqenë që Partia e Lirisë ka ruajtur rezultatin e votës politike në 2021, PD-ja e Berishës dhe PD-ja e Bashës pothuajse kanë një peshë të barabartë në elektorat. Në kushtet kur zgjedhjet e 14 majit tregojnë një realitet tjetër nga ai që propagandon Berisha dhe në kushtet kur gjykata ka njohur PD-në e Lulzim Bashës si PD-ja zyrtare, pse Sali Berisha vijon të mbajë të uzurpuar selinë e Partisë Demokratike?!

K.T./G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • [email protected]: 18/05/2023 21:07

    Saliu i Bashke Humbasim as 5% ska per te marre zgjedhjet e ardhshme po se keputi qafen...

    Përgjigju
  • Shqipëria: 18/05/2023 20:41

    Akoma me Bashën, po Basha e kthehu Berishën. Po mos shitej për 2 lekë, sot Berisha do ishte ne pension.

    Përgjigju
  • beb: 18/05/2023 18:09

    ju doni rpap bashe pengun perballe qe te bejni qejf. basha ka vdeke mos u merrni me te me

    Përgjigju
  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tragjedi në Egjipt, mbytet anija me 45 persona në bord në Detin e Kuq! 31 prej tyre janë turistë, të panjohura shkaqet

Tragjedi në Egjipt, mbytet anija me 45 persona në bord në Detin e Kuq! 31 prej tyre janë turistë, të panjohura shkaqet

25 Nëntor, 12:36