E vërteta e takimit Kadri Hazbiut me
Mehmet Shehun natën e “vetvrasjes”

TIRANE- Çfarë flitej në byronë politike për “vetëvrasjen” e Mehmet Shehut natën e 17 dhjetorit 1981? Një prej ngjarjeve më të bujshme e të mistershme, kjo ngjarje ka një anë të panjohur të tablosë: perceptimin, komentet dhe versionin e krerëve të byrosë politike. Pas mbylljes së gjyqit të Fiqrete Shehut, Feçorr Shehut, Kadri Hazbiut etj, në shtator të 1983, ngjarja diskutohet imtësisht në një prej mbledhjeve të sekretariatit të Komitetit Qendror.

 Mes çështjeve të shumta të diskutuara në mbledhjen e 12 shtatorit 1983, Ramiz Alia, Pali Miska, Muho Asllani, Lenka Çuko, Vangjel Çërrava etj, diskutojnë faktet e kësaj ngjarje. Në të vertetë pjesa dërrmuese e tyre bëjnë nga një ndërhyrje të papërfillshme, ndërsa Ramiz Alia flet imtësisht dhe analizon ngjarjen sipas fakteve.