Dy aksidente brenda disa minutash në Lezhë! Humbi kontrollin dhe i ra shtyllës me motor, ndërron jetë polici i burgut të Shënkollit! Parakalim i gabuar, plagosen dy persona të tjerë (VIDEO)

LEZHË- Një polic i burgut të Shënkollit në Lezhë humbi jetën, pasi motori me të cilin udhëtonte u përplas doli nga rruga dhe u përplas me një shtyllë.

 Aksidenti ndodhi rreth orës 14:00 të së shtunës në fshatin Rrilë të Lezhës, ndërsa viktimë mbeti 35-vjeçari Pashk Deliaj. Ai ka qenë duke udhëtuar i vetëm me motor kur humbi kontrollin e mjetit dhe u përplas me shtyllën.

Goditja ishte e fortë, duke i shkaktuar vdekjen e menjëhershme 35-vjeçarit i cili u dërgua pa shenja jete në spital. Policia rrugore e cila mbërriti menjëherë në vendin e ngjarjes nisi hetimet për zbardhjen e shkaqeve dhe rrethanave të këtij aksidenti, që i mori jetën policit të burgut të Shënkollitt.

Ndërkohë pak minuta më vonë një tjetër aksident u shënua në Lezhë-Laç, pranë urës së Milotit. Në tentative për të kaluar një automjet u përplas me barrierat anësore të rrugës, e për pasojë mbeten të plagosur dy persona një burrë dhe një grua. Ata u dërguan për ndihmë mjekësore në spital dhe sipas të dhënave ndodhen jashtë rrezikut për jetën.

Rrugët e qarkut të Lezhës vijojnë të përgjaken nga aksidentet rrugore, ku vetëm në harkun kohor të 5 ditëve të fundit kanë ndodhur 7 aksidente me 1 viktimë dhe 12 të plagosur.

Rendit zhvillimet sipas orarit:
Ora 22:13
I ra shtyllës me motor, kush është polici i burgut të Shënkollit që humbi jetën

1652645658_pashk.jpg

Ky është polici i burgut të Shenkollit Pashk Deliaj, 35 vjeç, i cili humbi jetën në aksident këtë të diel në Rrilë të Lezhës.

Ora 17:44
Një tjetër aksident në Lezhë/ Makina tentoi të parakalonte, përplaset me barrierat anësore të rrugës, 2 të plagosur

Lezhë-  Një aksident ka ndodhur pak më parë në aksin rrugor Lezhe-Laç, pranë Urës se Milotit ku një makinë ka tentuar të bënte parakalim dhe si pasojë është përplasur me barrierat anësore të rrugës.

Si pasojë e aksidentit kanë mbetur të plagosur një burrë dhe një grua.

Bëhet e ditur se ata janë dërguar ne spital dhe ndodhen jashtë rrezikut për jetën.

1652630683_8e4e2bcf90174f9380a06516101aa1a4.jpg

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A i përballoni dot pushimet e verës me rritjen e çmimeve?



×

Lajmi i fundit

John

Putin: Qëllimi ynë është të çlirojmë Donbasin