Ed Sheeran dhe partnerët e tij në shkrimin e këngëve janë shpërblyer me më shumë se 900,000 £ (1.1 milion dollarë), pas fitores së tyre në një çështje të profilit të lartë për të drejtat e autorit mbi hitin e tij global të vitit 2017 “Shape of You”.
Në prill, gjykatësi Antony Zacaroli vendosi që Sheeran dhe bashkë-shkrimtarët e tij të “Shape of You”, Steven McCutcheon dhe Johnny McDaid, nuk e kopjuan “qëllimisht” këngën e vitit 2015 të quajtur “Oh Why” nga një artist tjetër britanik i quajtur Sami Chokri.
Vendimi erdhi gati katër vjet pasi Chokri dhe producenti i tij Ross O’Donoghue akuzuan fillimisht Sheeran dhe bashkëpunëtorët e tij për kopjimin e një pjese kyçe të këngës së tyre dhe përfshirjen e saj në “Shape of You”, e cila kaloi 12 javë në krye të “Hot 100”.
Chokri dhe O’Donoghue pretenduan se në “Shape of You” ishte “çuditërisht e ngjashme” me refrenin “Oh I” nga kompozimi i tyre. Treshja mohoi pretendimet dhe nisi procedurat ligjore në maj 2018, duke i kërkuar Gjykatës së Lartë të Mbretërisë së Bashkuar të deklaronte se ata nuk kishin shkelur asnjë të drejtë autori.
Çështja arriti kulmin me një gjyq 11-ditor në Londër në mars dhe prill, ku Sheeran u përball vazhdimisht me akuzat se ishte një person që merrte hua ide nga autorë të tjerë këngësh.
Lajme të tjera
-
VIDEOLAJM/ Një ditë si kamerier, Ed Sheeran shërben hot dog në një restorant të famshëm në Chicago
8 Gusht 2023, 17:21 -
Mbreti Charles III i ftoi të këndonin në ceremoninë e kurorëzimit të tij, këngëtarët Adel dhe Ed Sheeran refuzojnë ftesën e Pallatit Mbretëror
21 Shkurt 2023, 17:47 -
Plani/ Ed Sheeran ndërton varrin e tij në fshatin personal prej 4.4 milionë eurosh
14 Janar 2022, 11:57 -
Rep-pop/ Artistë që interneti i ndihmoi të bëheshin të njohur dhe talenti të shkëlqenin
19 Shtator 2021, 16:47 -
Taylor Swift kryeson në listën e shitjeve të albumeve për 2019-ën
3 Mars 2020, 15:29
